Nagraj Manjule: नागराज मंजुळे यांचं पहिलं लग्न, घटस्फोट आणि…, दुसऱ्या पत्नीबद्दल काय म्हणालेले दिग्दर्शक?
Nagraj Manjule: मराठी सिनेविश्वातील प्रसिद्ध आणि लोकप्रिय दिग्दर्शक नागराज मंजुळे यांनी 'सैराट' सिनेमाचं दिग्दर्शन केलं आणि मराठीसिनेश्वाची नवा प्रवास सुरु झाला. याच प्रमाणे त्यांच्या नव्या आयुष्याचा प्रवास दुसऱ्या लग्नानंतर सुरु झाला. दुसऱ्या लग्नानंतर एक मुलाखतीत मंजुळे म्हणालेले, 'ती (दुसरी पत्नी) माझा आरसा आहे...'
नागराज मंजुळे यांच्या खासगी आयुष्याबद्दल सांगायचं झालं तर, त्यांचं पहिलं लग्न फार लवकर झालं. पण त्यांचं पहिलं लग्न फार काळ टिकलं नाही. अखेर त्यांनी विभक्त होण्याचा निर्णय घेतला.
नागराज मंजुळे यांचं पहिलं लग्न 17 मे 1997 साली झालं. सुनिता असं त्यांच्या पहिल्या बायकोचं नाव आहे. दोघांनी 17 वर्ष संसार केला. पण दोघांचंन नातं फार काळ काही टिकलं नाही. अखेर 2014 साली ते कायदेशीररित्या वेगळे झाले.
पहिल्या घटस्फोटानंतर नागराज यांच्या आयुष्यात त्यांची दुसरी पत्नी गार्गी आली. गार्गी कुलकर्णी या सैराट सिनेमाच्या प्रोड्युसर होत्या. दोघांनी फँड्री, सैराट, घर बंदूक बिरयाणी, झुंड सारख्या सिनेमासाठी एकत्र काम केलं आहे.
गार्गी कुलकर्णी या आहिल्यानगर येथीलच आहे. गार्गी आणि नागराज यांची पहिली ओळख देखील आहिल्यानगर येथेच झाली. गार्गी यांना वाचनाची प्रचंड आवड आहे.. खुद्द नागराज यांनी सांगितलेलं की, 'गर्गीला वाचनाची आवड आहे आणि कविता देखील करते...'
एका मुलाखतीत दुसऱ्या बायकोबद्दल नागराज मंजुळे म्हणालेले, 'मी माझी कथा फक्त 1 -2 जणांना वाचण्यासाठी देतो आणि त्यामध्ये गार्गी आहे. गार्गीला साहित्याची फार चांगली ओळख आहे... ती माझ्यासाठी माझा आरसा आहे...', असं देखील मंजुळे म्हणालेले.
