Nana Patekar: विश्वनाथ पाटेकर पासून ‘नाना कसं झाले? नावामागेही आहे रंजक गोष्ट
Nana Patekar Real Name: नाना पाटेकर यांचे खरे नाव जर विश्वनाथ पाटेकर आहे तर मग नाना असे ना कधी पडले. यामागेच आहे खास कारण जाणून घ्या..
नाना पाटेकर यांचा जन्म 1 जानेवारी 1951 रोजी रायगड जिल्ह्यातील मुरुड-जंजिरा इथे झाला. त्यांचे वडील दिनकर पाटेकर आणि आई निर्मला पाटेक. जग त्यांना आता जरी नाना पाटेकर म्हणून ओळखतं असेल, पण त्यांचे खरे नाव नाना नव्हते मग त्यांना नाना म्हणून ओळख कशी मिळाली?
नाना यांचे खरं नाव विश्वनाथ आहे. शाळेत त्यांना मित्र विश्वनाथ किंवा विशू म्हणायचे. नानांनी स्वत: बोलून दाखवलं होतं की, "आज जर कोणी त्यांना विशू म्हटले, तर त्यांना लगेच त्यांच्या शाळेतील जुनी ओळख आठवते."
नानांनी स्वतः एका मुलाखतीत त्यांच्या नावाबद्दलचे गुपित बोलून दाखवले होते. मुलाखतीत त्यांनी सांगितलं होतं की, "माझ्या आईची एक मैत्रीण होती, जी माझ्यासाठी बहिणीसारखीच होती. लहानपणी ती मला नाना-नाना म्हणून हाक मारायची. त्यामुळेच माझे नाव नाना पाटेकर पडले"
आधी आईची मैत्रीण त्यांना प्रेमाने 'नाना' म्हणून हाक मारायची. नंतर हळूहळू, कुटुंबातील सदस्य आणि आजूबाजूचे लोकही त्यांना याच नावाने हाक मारू लागले. अखेर विश्वनाथ या नावापेक्षा नानाच नाव प्रसिद्ध झाले.
कालांतराने नाना हे नाव इतकं लोकप्रिय झालं की त्यांनी आपले जुने नाव सोडून नाना हेच नाव स्वीकारलं. आज त्यांच्या सर्व अधिकृत कागदपत्रांवर पासपोर्ट, आधार कार्ड आणि इतर कागदपत्रांवर नाना पाटेकर असंच लिहिलेलं आहे.
