Sourav Ganguly Biopic : राजकुमार राव आधी या कलाकाराला साकारायची होती ‘दादा’ची भूमिका, पण आता तो या जगात नाही
Sourav Ganguly Biopic : सौरव गांगुलीच्या बायोपिकची घोषणा झाली आहे. या चित्रपटात राजकुमार राव दादाची व्यक्तीरेखा साकारणार आहे. पण राजकुमार रावच्या आधी अजून एका अभिनेत्याने दादाची व्यक्तीरेखा साकारण्याची इच्छा व्यक्त केलेली. पण आतो तो या जगात नाही.
सौरव गांगुलीचा बायोपिक 'दादा' चा पहिला पोस्टर 8 जुलै रोजी रिलीज झाला. पोस्टर मध्ये राजकुमार रावने लॉर्ड्सच्या बालकनीतला सौरव गांगुलीचा प्रसिद्ध टी-शर्ट काढून फडकवण्याचा सीन रिक्रिएट केला आहे. पोस्टर समोर आल्यानंतर फॅन्सची उत्सुक्ता वाढली आहे.
रिपोर्ट्सनुसार, सुशांत सिंह राजपूतला सौरव गांगुलीच्या बायोपिकमध्ये काम करायचं होतं. 'एमएस धोनी: द अनटोल्ड स्टोरी'मध्ये सुशांत सिंह राजपूतने एम एस धोनीची व्यक्तीरेखा साकारलेली. गांगुलीचा रोल पडद्यावर साकारण्यासाठी सुशांत खूप एक्सायटेड होता.
2018 साली सुशांतच्या टीमने सौरव गांगुलीच्या आयुष्यावर चित्रपट बनवण्याची इच्छा व्यक्त केलेली. त्यावेळी गांगुली बायोपिकसाठी तयार नव्हता. म्हणून त्याने नम्रतेने प्रस्ताव नाकारला. त्यावेळी सुशांत गांगुलीला म्हणालेला की, ज्यावेळी तुम्ही तयार असाल तेव्हा मला सांगा.
काही रिपोर्ट्समध्ये रणबीर कपूरच नाव समोर आलेलं. पण नंतर स्वत: सौरव गांगुलीने स्पष्ट केलं की, त्याच्या बायोपिकमध्ये राजकुमार राव 'दादा'ची मुख्य भूमिका साकारेल. विक्रमादित्य मोटवाने चित्रपटाचा दिग्दर्शक आहे.
जून 2020 मध्ये मुंबई स्थित राहत्या घरी सुशांत सिंह राजपूतचा मृत्यू झाला. त्याच्या अचानक झालेल्या मृत्यूने संपूर्ण देशात खळबळ उडाली होती. या प्रकरणात अनेक चर्चा रंगल्या. आजही सुशांतचा मृत्यू लोकांमध्ये चर्चेचा विषय असतो.
