ओलेक्ट्रा ग्रीनटेकला 1085 इलेक्ट्रिक बसेसची ऑर्डर, 1800 कोटींचे मिळाले टेंडर
Olectra Greentech : ओलेक्ट्रा ग्रीनटेक लिमिटेड कंपनीला तेलंगणा राज्य मार्ग परिवहन महामंडळाकडून 1800 कोटी रुपयांचे कंत्राट मिळाले आहे. पुढील 20 महिन्यांत या सर्व बसेसचा पुरवठा केला जाणार आहे.
Olectra Greentech
Image Credit source: TV 9 Marathi
- ओलेक्ट्रा ग्रीनटेक लिमिटेड : इलेक्ट्रिक वाहन क्षेत्रात हैद्राबादची कंपनी ओलेक्ट्रा ग्रीनटेक लिमिटेड हे एक महत्त्वाचे नाव आहे. कंपनीने आतापर्यंत अनेक वेगवेगळ्या प्रकारची इलेक्ट्रिक वाहने तयार केली आहेत.
- 1800 कोटी रुपयांचे कंत्राट : अशातच आता ओलेक्ट्रा ग्रीनटेक लिमिटेडला (Olectra Greentech) तेलंगणा राज्य मार्ग परिवहन महामंडळाकडून (TGSRTC) 1085 इलेक्ट्रिक बसेससाठी तब्बल 1800 कोटी रुपयांचे कंत्राट मिळाले आहे.
- कोणत्या बसेसचे पुरवणार : या ऑर्डरमध्ये 1025 नॉन-एसी आणि 60 एसी बसेसचा समावेश आहे. या सर्व 12 मीटरच्या बसेस शहरांतर्गत वाहतुकीसाठी वापरल्या जाणार आहेत.
- 12 वर्षांसाठी करार : हा करार 12 वर्षांच्या कालावधीसाठी असून तो GCC (Gross Cost Contract) मॉडेलवर आधारित आहे. यामध्ये बसेसचा पुरवठा, संचालन आणि देखभाल ओलेक्ट्रा कंपनी करणार आहे.
- 20 महिन्यांत बसेस पुरवणार : ओलेक्ट्रा ग्रीनटेक लिमिटेडकडून पुढील 20 महिन्यांत या सर्व बसेसचा पुरवठा पूर्ण केला जाणार आहे. यात 1025 नॉन-एसी आणि 60 एसी बसेसचा समावेश आहे
- गुंतवणूकदारांसाठी आनंदाची बातमी: गेल्या 3 वर्षात 159% परतावा देणाऱ्या या कंपनीच्या ऑर्डर बुकमध्ये आता मोठी वाढ झाली आहे, ज्यामुळे शेअर बाजारतही या कंपनीची शेअर वर जाण्याची चर्चा सुरू आहे.
