पहलगामच्या हल्ल्यात पर्यटकांना म्हणायला लावलेला कलमा म्हणजे काय? इस्लाममध्ये त्याला इतकं महत्त्व का?
याच हल्ल्यादरम्यान कलमा म्हटल्याने माझे आणि माझ्या कुटुंबीयांचे प्राण वाचले, असं आसामचे प्राध्यापक देबाशिष भट्टाचार्य म्हणाले. देबाशिष हे एका झाडाखाली पुरुषांच्या गटासोबत बसले आणि कलमा म्हणू लागले. त्यामुळे त्यांच्यावर दहशतवाद्याने गोळी झाडली नव्हती.
पहलगाममधील बैसनर याठिकाणी 22 एप्रिल रोजी दहशतवाद्यांनी पर्यटकांवर गोळीबार केला. "तुमच्यापैकी हिंदू कोण आणि मुस्लीम कोण आहेत? तुमचा धर्म कोणता आहे? मुस्लीम असेल तर कलमा वाचून दाखव" असं म्हणत दहशतवाद्यांनी हिंदूंना लक्ष्य केलं.
who should avoid eating mangoes
सर्व मुस्लिमांनी कलमा जाणून घेणं आवश्यक असतं, कारण ते इस्लामी श्रद्धेचा गाभा मानलं जातं. नियमितपणे कलमाचं पठण करणं हा मुस्लिमांना फक्त अल्लाहची उपासना करण्याची आणि पैगंबर मुहम्मद यांच्या शिकवणींचं पालन करण्याची त्यांची वचनबद्धता आठवण करून देण्याचा एक मार्ग आहे.
इस्लाममध्ये सहा कलमा असून प्रत्येक कलमाचं अनोखं उद्दिष्ट आहे. ही एक प्रकारची प्रार्थना असते. या प्रार्थनेतून अल्लाहची कृपा, संरक्षण आणि मार्गदर्शन मिळवता येतं, अशी श्रद्धा आहे.
कलमा तय्यीब (पवित्रता), कलमा शहादा (साक्ष), कलमा तमजीद (गौरव), कलमा तवहीद (एकता), कलमा अस्तग़फ़ार (पश्चात्ताप) आणि कलमा रद्दे कुफ्र (अविश्वास नाकारणे) अशा या सहा कलमा आहेत.
