Sonali Bendre : तो प्रसिद्ध पाकिस्तानी क्रिकेटर आपल्या पाकिटात सोनाली बेंद्रेचा फोटो ठेवायचा, दोघांच्या अफेयरच्या चर्चा रंगलेल्या
Sonali Bendre : क्रिकेट आणि बॉलिवूडचं जुन कनेक्शन आहे. भारतात अनेक क्रिकेटर्सनी बॉलिवूड अभिनेत्रींसोबत संसार थाटला आहे. काहीचं ब्रेक-अप सुद्धा झालं. फक्त भारतीयचं नाही, तर पाकिस्तानी क्रिकेटर्सशी नावं सुद्धा बॉलिवूड हिरॉईन सोबत जोडली गेली.
भारताची स्टार टेनिसपटू सानिया मिर्झाने पाकिस्तानी क्रिकेटर शोएब मलिकसोबत विवाह केला. दोघांना एक मुलगा सुद्धा आहे. पण काही वर्षानंतर त्यांचा घटस्फोट झाला. शोएबने आता एका पाकिस्तानी अभिनेत्रीसोबत लग्न केलं.
वर्ष 2000 मध्ये शोएब अख्तर आणि अभिनेत्री सोनाली बेंद्रे यांच्या अफेयरची चर्चा होती. खरंतर या अफवा होत्या. असं म्हणतात की शोएब आपल्या पर्समध्ये सोनाली बेंद्रेचा फोटो ठेवायचा. त्याच्या संघातील अन्य खेळाडूंना सुद्धा याची कल्पना होती. शोएबला सोनाली खूप आवडायची.
शोएबने अनेक वर्षानंतर या सर्व अफेयरच्या बातम्या फेटाळून लावल्या. तो म्हणाला की, मी सोनालीचा कॅन्सर विरुद्ध तिची जी लढाई आहे, तिने जे साहस दाखवलं, त्याचा मी सन्मान करतो.
2020 साली पाकिस्तानी क्रिकेटर अब्दुल रज्जाक आणि अभिनेत्री तमन्ना भाटिया यांचा एक फोटो सोशल मीडियावर व्हायरल झालेला. दोघे एका ज्वेलरी शॉपमध्ये एकत्र दिसलेले. त्यावेळी त्यांच्यात रिलेशनशिप असल्याची चर्चा होती. पण ते दोघे एका दुकानाच्या उद्घाटनासाठी एकत्र आलेले.
पाकिस्तानचा माजी वेगवान गोलंदाज वसीम अक्रम आणि माजी मिस यूनिवर्स सुष्मिता सेन यांच्या अफेयरची 2013 साली भरपूर चर्चा होती. दोघांनी 2008 साली एक डान्स रियलिटी शो 'एक खिलाड़ी एक हसीना' मध्ये जज म्हणून एकत्र काम केलं होतं. त्यानंतरच या अफवा सुरु झाल्या.
