PHOTO | डहाणू-चर्चगेट लोकल बंद केल्याने संतप्त प्रवाशांचा रेल रोको, राजधानी एक तास रोखली
डहाणू रेल्वे स्थानकावरुन सकाळी सुटणारी चर्चगेट लोकल येत्या 3 डिसेंबरपासून बंद करण्याचा निर्णय रेल्वे प्रशासनाने घेतला आहे.
पश्चिम रेल्वेवरील पालघर आणि सफाळे रेल्वे स्थानकात संतप्त प्रवाशांनी आज रेल रोको आंदोलन केले. यावेळी प्रवाशांनी 1 तास मुंबईकडे जाणारी राजधानी रोखून धरली.
डहाणू रेल्वे स्थानकावरुन सकाळी सुटणारी चर्चगेट लोकल येत्या 3 डिसेंबरपासून बंद करण्याचा निर्णय रेल्वे प्रशासनाने घेतला आहे. त्यामुळे संतप्त प्रवाशांनी हे आंदोलन पुकारलं.
पश्चिम रेल्वेवरील मुंबईकडे जाणाऱ्या ट्रेन रद्द केल्याने दररोज पहाटे, सकाळी कामावर जाणाऱ्या शेकडो प्रवाशांची गैरसोय होत आहे. याला कंटाळून संतप्त प्रवाशांनी पालघर आणि सफाळे रेल्वे स्थानकात गाड्या अडवल्या.
त्यानंतर पालघर रेल्वे स्टेशन मास्टरने प्रवाशांच्या मागण्यांचे निवेदन घेऊन ते मुंबई सेंट्रलला पाठविण्याचे, तसेच तिथे जावून पाठपुरावा करण्याचे आश्वासन दिले. त्यानंतर अडविण्यात आलेली लोकल मुंबईच्या दिशेने सोडण्यात आली.
दरम्यान, सफाळे रेल्वे स्थानकातील लोकल प्रवाशांनी सर्व ट्रेन पूर्ववत होईपर्यंत रोखून धरल्याने पश्चिम रेल्वेवरील अप आणि डाऊन मार्गावरील सर्व गाड्या विविध रेल्वे स्थानकात अडकून पडल्या
दरम्यान, काही प्रवासी मुंबई सेंट्रल कार्यालयात जावून ट्रेन रद्द करण्याविरोधात रेल्वे प्रशासनाला निवेदन देणार आहेत.
