T20 World Cup : अफगाणिस्तान संघावर संकटावर संकट, पराभवानंतर कुणाला आला हार्ट अटॅक? क्रिकेट विश्व जबर हादरलं
अफगाणिस्तान क्रिकेट संघाला टी-20 विश्वचषकात पराभवांची मालिका झेलावी लागत आहे. न्यूझीलंड आणि दक्षिण आफ्रिकेविरुद्धच्या पराभवानंतर संघाचे परफॉर्मन्स ॲनालिस्ट के.सी. रामा सुब्रमणियन यांना हृदयविकाराचा झटका आला. त्यांची अँजिओप्लास्टी झाली असून प्रकृती स्थिर आहे. आता सुपर-८ मध्ये पोहोचण्यासाठी अफगाणिस्तानसमोर 'करो या मरो'ची स्थिती आहे, ज्यामुळे संघावरील दबाव वाढला आहे.
एखाद्या मागे शुक्लकाष्ठ लागलं तर त्याची साडेसाती काही केल्या जात नाही. अफगाणिस्तान संघाच्या बाबतही काहीसं असंच होताना दिसत आहे. आयसीसी मेन्सट टी-20 वर्ल्ड कपमध्ये अफगाणिस्तानची कामगिरी अत्यंत सुमार राहिली. अफगाणिस्तानला न्यूझीलंडकडून 5 गडी राखून पराभव पत्करावा लागला. त्यानंतर साऊथ आफ्रिकेने तर अफगाणिस्तानचा कचराच केला. डबल सुपर ओव्हरमध्ये साऊथ आफ्रिकेने अफगाणिस्तानच्या संघाला पराभूत केलं. एकामागून एक असे दोन पराभव स्वीकारावे लागल्याने अफगाणिस्तानचा संघ टीममधून बाहेर जाण्याची शक्यता आहे. ग्रुप डीमध्ये आता अफगाणिस्तानची भिडत संयुक्त अरब अमिरातसोबत होणार आहे. मात्र, त्यापूर्वीच अफगाणिस्तानवर आणखी एक संकट कोसळलं आहे.
अफगाणिस्तानला सुपर 8मध्ये जाण्यासाठी दोन्ही सामने जिंकावे लागणार असून विजयाची मार्जिन मोठी ठेवावी लागणार आहे. तेव्हाच गुण तालिकेत चांगलं रँकिंग मिळण्याची शक्यता आहे. या सर्व घडामोडी सुरू असतानाच अफगाणिस्तान संघाला एक मोठा झटका बसला आहे. टीमचे परफॉर्मेन्स ॲनालिस्ट केसी रामा सुब्रमणियन यांना हृदयविकाराचा झटका आला आहे. नवी दिल्लीतच त्यांच्या छातीत तीव्र वेदना झाल्याने मायनर अटॅक आला. डेली मिररच्या वृत्तानुसार सुब्रमणियन यांनी छातीत दुखत असल्याची तक्रार केली होती. त्यानंतर त्यांना लगेच फोर्टीस रुग्णालयात दाखल करण्यात आलं होतं.
प्रकृती कशी ?
डॉक्टरांनी त्यांची अँजिओप्लास्टी केली आहे. आता त्यांची प्रकृती धोक्याच्या बाहेर असल्याचं सांगितलं जात आहे. टीमच्या सूत्रांनी दिलेल्या माहितीनुसार, सुब्रमणियन यांची प्रकृती आता पूर्वीपेक्षा चांगली आहे. त्यांच्या प्रकृतीत सुधारणाही होत असून त्यांच्यावरचं मोठं संकट टळलं आहे. सुब्रमणियन हे मूळचे चेन्नईचे आहेत. मात्र, अफगाणिस्तानी संघामधील ते एक महत्त्वाचे आणि उत्कृष्ट सदस्य मानले जातात. तसेच ते स्पोर्ट्स ॲनालिटिक्स कंपनीचे डायरेक्टरही आहेत.
कधी घडली घटना ?
ही घटना अफगाणिस्तान आणि साऊथ आफ्रिके दरम्यानच्या रोमांचक सामन्यानंतर झाली आहे. ही अफगाणिस्तानची ऐतिहासिक मॅच होती. हा सामना सुपर ओव्हरपर्यंत गेला होता. या सामन्यामुळे दोन्ही संघाच्या खेळाडूंचा चांगलाच घामटा निघाला होता. दोन्ही खेळाडू मानसिक दबावाखालीही आले होते. साऊथ आफ्रिका सारख्या बलाढ्य संघाच्या विरोधात अफगाणिस्तानने चांगलीच झुंज दिली होती. सामना हाता तोंडाशी आलेला असतानाच अफगाणिस्तानचा चटका लावणारा पराभव झाला होता. या सामन्यात रहमानुल्लाह गुरबाजची कामगिरी ही वाखाणण्यासारखी होती.
करो या मरो
अफगाणिस्तानच्या संघाला सुरुवातीच्या दोन्ही सामन्यात पराभव पत्कारावा लागल्याने त्यांचं सुपर-8मध्ये जाणं कठीण झालं आहे. अफगाणिस्तानच्या संघाची 16 फेब्रुवारी रोजी नवी दिल्लीतील अरुण जेटली स्टेडियममध्ये यूएईसोबत भिडत होणार आहे. यावेळी करो या मरोची स्थिती असणार आहे. शिवाय मोठ्या फरकाने जिंकण्याचाही दबाव असमार आहे. त्यानंतर अफगाणिस्तानचा मुकाबला 19 फेब्रुवारी रोजी कॅनडाच्या संघाबरोबर होणार आहे. हा सामना चेन्नईच्या एमए चिदंबरम स्टेडियममध्ये होणार आहे.
