ब्रेकअप झालेल्या प्रत्येक तरुणांचं आवडतं गाणं, ठरलं प्रचंड सुपरहिट, 3 दशाकांपासून सुपरहिट
ब्रेकअप झालेल्या तरुण-तरुणींचं प्रचंड आवडतं गाणं, एकदा नाही तर पुन्हा-पुन्हा ऐकलं तरी भरत नाही मन. गेल्या तीन दशकांपासून चाहत्यांच्या मनावर करत आहे राज्य.
काही हिंदी चित्रपटांमधील गाणी काळाच्या ओघातही आपले आकर्षण कायम ठेवतात. अशीच एक अजरामर कलाकृती म्हणजे 1996 साली प्रदर्शित झालेल्या 'राजा हिंदुस्तानी' चित्रपटातील 'परदेसी परदेसी जाना नहीं' हे लोकप्रिय गाणं.
जवळपास तीन दशकांनंतरही हे गाणे ब्रेकअप झालेल्या आणि विरहाच्या भावना अनुभवणाऱ्या रसिकांच्या प्लेलिस्टमध्ये तितक्याच आवडीने ऐकले जाते. या भावस्पर्शी गाण्याला उदित नारायण, अलका याज्ञनिक आणि सपना अवस्थी यांनी आपल्या आवाजाने सजवले आहे.
संगीतकार जोडी नदीम–श्रवण यांनी या गाण्याला अविस्मरणीय संगीत दिले, तर ज्येष्ठ गीतकार समीर अंजान यांनी त्याचे हृदयस्पर्शी शब्द लिहिले आहेत. 'राजा हिंदुस्तानी' हा चित्रपट त्या काळातील सर्वाधिक यशस्वी चित्रपटांपैकी एक ठरला होता.
चित्रपटात आमिर खान आणि करिश्मा कपूर यांची जोडी प्रेक्षकांच्या पसंतीस उतरली. त्यांच्यासोबत अर्चना पूरण सिंह, जॉनी लिव्हर आणि सुरेश ओबेरॉय यांनीही महत्त्वाच्या भूमिका साकारल्या होत्या.
आजही 'परदेसी परदेसी जाना नहीं' हे गाणं सोशल मीडियापासून ते संगीतप्रेमींच्या मैफिलींपर्यंत तितक्याच उत्साहाने ऐकले जाते. सुरेल संगीत, भावपूर्ण शब्द आणि कलाकारांचा प्रभावी अभिनय यामुळे हे गाणे हिंदी चित्रपटसृष्टीतील अजरामर गाण्यांपैकी एक मानले जाते.
