Pooja Bhatt : ‘त्यावेळी आम्ही दोघे एकमेकाच्या प्रेमात बुडून जायचो’, पूजा भट्टचा आमिर खान सोबतच्या नात्यावर खुलासा
Pooja Bhatt : सध्या अभिनेत्री पूजा भट्ट विकी लालवानीला दिलेल्या मुलाखतीमुळे चर्चेत आहे. या मुलाखतीत पूजाने बॉबी देओल सोबत असलेल्या प्रेमसंबंधांची कुबली दिली. त्या शिवाय वडिल महेश भट्ट यांच्या दुसऱ्या लग्नाबद्दल सुद्धा ती मोकळेपणाने बोलली.
पूजा भट्ट लोकांच्या लक्षात राहिली तो तिचा 1991 साली आलेला रोमँटिक कॉमेडी चित्रपट 'दिल हैं कि मानता नही'. या चित्रपटाने प्रेक्षकांच्या मनात वेगळं स्थान निर्माण केलं. आजही हा चित्रपट प्रेक्षकांना पहायला आवडतो. आमिर खान आणि पूजा भट्ट यांची जबरदस्त केमिस्ट्री या चित्रपटात दिसली होती.
आमिर खान सोबत 'दिल हैं कि मानता नही' चित्रपटाच्यावेळी कसं नातं तयार झालेलं त्या बद्दल पूजा भट्टने खुलासा केला आहे. पूजाचे वडिल महेश भट्ट यांनी हा चित्रपट दिग्दर्शित केलेला. आमिर खान सोबत ऑन स्क्रिन केमिस्ट्री कशी होती? त्या दोघांमध्ये रोमँटिक रिलेशनशिप सुरु झाल्याच्या चर्चा त्यावेळी मीडियामध्ये रंगलेल्या.
विकी लालवानी सोबत बोलताना पूजाने चित्रपटाच्यावेळी आमिर सोबत झालेल्या तयार झालेल्या बाँडचा खुलासा केला. आमिर सोबतच माझं नातं हे उत्साही, खोडकरपणाचं आणि हसून खेळून रहायचो, जोक व्हायचे असं पूजाने सांगितलं.
एकत्र काम करताना आम्ही दोघेही परस्परांची भरपूर खेचायचो, चेष्टा-मस्करी करायचो. टॉम अँड जेरीसारखे आम्ही भांडायचो अशा आठवणी पूजाने सांगितल्या.
आमिरसोबतच्या रिलेशनशिपच्या अफवांवर पूजा भट्ट म्हणाला की, तुम्ही आमिरला हा प्रश्न विचारु शकता. मी आकर्षक होते, बरोबर. मला आमिर खान आवडायचा. 'दिल हैं कि मानता नही' च्या वेळी कॅमेरा सुरु व्हायचा, त्यावेळी आम्ही दोघे ऐकमेकावर प्रेमात बुडून जायचो. आमच्यात चांगली केमिस्ट्री होती. पण तेवढचं कॅमेऱ्यासमोर, त्या पलीकडे काही नव्हतं हे पूजा भट्टने स्पष्ट केलं.
