OTT: शेवटपर्यंत वाढत जाईल थरार; क्लायमॅक्स पाहून उडेल थरकाप, 8 एपिसोड्सची सीरिज
जर तुम्हाला गुन्हेगारी, रहस्य, खोटी ओळख आणि सतत बदलणारे ट्विस्ट असलेल्या कथा आवडत असतील, तर ही वेब सीरिज तुमच्या वॉचलिस्टमध्ये नक्कीच असायला हवी. आता चाहत्यांना या सीरिजच्या तिसऱ्या सिझनची प्रतीक्षा आहे.
क्राइम, सस्पेन्स आणि सायकोलॉजिकल थ्रिलरचा जबरदस्त मिलाफ असलेल्या वेब सीरिज पाहायला आवडत असतील, ही सीरिज तुमच्यासाठी चांगला पर्याय ठरू शकते. ZEE5 वर उपलब्ध असलेल्या या सीरिजचे आतापर्यंत दोन सिझन्स आले आहेत.
दोन्ही सिझनमध्ये रहस्य, खोट्या ओळखी, जुने गुन्हे आणि अनपेक्षित ट्विस्ट पाहायला मिळतात. विशेष म्हणजे दुसऱ्या सिझनचा क्लायमॅक्स प्रेक्षकांना शेवटपर्यंत खिळवून ठेवतो. या सीरिजची कथा सम्मित पटेल आणि त्याची पत्नी इरा यांच्या आयुष्याभोवती फिरते. इरा ही क्राइम ब्रांच अधिकारी असते. दोघांचं वैवाहिक आयुष्य सुरळीत सुरू असताना तिच्यासमोर 17 वर्षांपूर्वीच्या एका सीरियल किलरशी संबंधित प्रकरण येतं.
सीरिजची कथा तपास पुढे सरकत असताना या केसचे धागेदोरे तिच्या स्वतःच्या पतीपर्यंत पोहोचू लागतात. इरा ज्या व्यक्तीसोबत संसार करत आहे, त्याचा भूतकाळ तिला वाटतो त्यापेक्षा खूपच वेगळा असल्याचं समोर येतं. त्यामुळे पतीवर विश्वास ठेवायचा की तपास अधिकारी म्हणून सत्याचा शोध घ्यायचा, या द्विधा मनःस्थितीत ती सापडते.
या सीरिजचं नाव आहे 'दुरंगा'. 'दुरंगा 2'ची कथा पहिल्या सिझननंतर पुढे जाते. खरा सम्मित पटेल कोमातून बाहेर येतो. सुरुवातीला त्याला आपल्या आयुष्याबद्दल काहीच आठवत नसतं. मात्र जसजसं त्याला सत्य समजू लागतं, तसतसा या संपूर्ण प्रकरणाचा गुंता आणखी वाढतो.
या सीरिजमध्ये गुलशन देवैया, अमित साध आणि दृष्टि धामी महत्त्वाच्या भूमिकांमध्ये आहेत. त्यांच्यासोबत बरखा बिष्ट, राजेश खट्टर, दिव्या सेठ शाह आणि जाकीर हुसैन यांच्याही भूमिका आहेत. कलाकारांच्या अभिनयामुळे कथेतला तणाव आणि रहस्य अधिक प्रभावीपणे समोर येतं.
