PHOTO : रायगडमध्ये आंबेनळी दुर्घटनेची पुनरावृत्ती! लग्नावरुन परतणाऱ्या वऱ्हाड्यांचा ट्रक दरीत कोसळला
पोलादपूर तालुक्यातील कुडपन मार्गावर धनगरवाडी येथील वळणावर ट्रॅक दरीत कोसळ्याने भीषण अपघात झाला. (Raigad Truck Collapse Accident Photos)
रायगडमध्ये वऱ्हाड्यांच्या ट्रकला भीषण अपघात झाला. यात दोघांचा मृत्यू झाला आहे.
या दुर्घटनेत 34 जण गंभीर जखमी झाले असून तर 25 जण किरकोळ जखमी झाले आहे.
पोलादपूर तालुक्यातील कुडपन मार्गावर धनगरवाडी येथील वळणावर ट्रॅक सुमारे 300 फूट दरीत कोसळला.
शुक्रवारी (8 जानेवारी) सायंकाळी 6.30 च्या सुमारास कुडपण गावात एक लग्नसोहळा आयोजित करण्यात आला होता.
या लग्नकार्यासाठी रत्नागिरीतील खेड तालुक्यातील खवटी धनगरवाडी या ठिकाणाहून वऱ्हाड आले होते.
लग्न आटोपून हे वऱ्हाड परतत असताना चालकाचे नियंत्रण सुटल्याने त्यांचा ट्रक दरीलगत पलटी झाला.
या दुर्घटनेतील जखमींवर तात्काळ उपचारही करण्यात येत आहे.
या अपघाताची माहिती मिळताच मदत ग्रुप खेड, महाबळेश्वर टेकर्स, पोलादपूरसह महाड येथील टीम घटनास्थळी दाखल झाल्या आहेत.
या ट्रॅकमध्ये 70 ते 80 पेक्षा जास्त जण असल्याची प्राथमिक महिती समोर येत आहे.
