Raja Shivaji : संजय दत्तचा अवतार पाहून थरकाप उडेल, राजा शिवाजी चित्रपटातील लुकमुळे भलेभले थक्क!
रितेश देशमुख याची मुख्य भूमिका असलेला राजा शिवाजी या चित्रपटाचा टिझर रिलीज झाला आहे. या चित्रपटात संजय दत्तने केलेली भूमिका पाहून अनेकांनी त्याची वाहवा केली आहे. या चित्रपटात इतरही काही मराठी कलाकार पाहायला मिळणार आहेत.
गेल्या अनेक वर्षांपासून चित्रपट रसिकांना राजा शिवाजी या चित्रपटाची प्रतीक्षा होती. या चित्रपटाची निर्मिती मराठमोळा अभिनेता रितेश देशमुख याने केलेली आहे. त्यामुळे या चित्रपटात नेमके काय विशेष असेल, याचीच सर्वांना उत्सुकता लागली हो.
आता या चित्रपटाचा टिझर आला असून येत्या 1 मे रोजी हा चित्रपट देशभरात प्रदर्शित होणार आहे. या चित्रपटात दिग्गज अभिनेते झळकणार आहेत. छत्रपती शिवाजी महाराज यांच्या भूमिकेत खुद्द रितेश देशमुख आहे.
दरम्यान, या चित्रपटात दिग्गज अभिनेता संजय दत्त हादेखील झळकणार आहे. त्याने या चित्रपटात मुख्य खलनायकाची भूमिका बजावली आहे. त्याने अफझल खान हे पात्र साकारले आहे. समोर आलेल्या टिझरनुसार संजय दत्तने केलेल्या कामाची वाहवा केली जात आहे.
या चित्रपटात संजय दत्ताची वेशभूषणा, त्याने केलेला अभिनय पाहून सगळेच अवाक झाले आहेत. भीती वाटावी असा खलनायक त्याने साकारल्याची प्रतिक्रिया व्यक्त केली जात आहे. या चित्रपटात रितेश देशमुखची पत्नी जेनिलिया हीदेखील महत्त्वाच्या भूमिकेत आहेत.
विशेष म्हणजे या चित्रपटात सचिन खेडेकर, जितेंद्र जोशी, महेश मांजरेकर यासारखे मराठी चेहरेदेखील पाहायला मिळणार आहेत. त्यामुळेच हा चित्रपट बॉक्स ऑफिसवर नेमकी काय जादू दाखवणार, याकडे सर्वांचे लक्ष लागले आहे.
