Rakshabandhan 2026 : भावाला राखी बांधण्यासाठी योग्य मुहूर्त कोणता? वेळच सण साजरा करा
Rakshabandhan 2026 : रक्षाबंधन या सणामुळे भावा - बहिणीचं नातं अधिक घट्ट होतं. यंदाच्या वर्षी रक्षाबंधनचा सण शुक्रवार, 28 ऑगस्ट रोजी आहे. तो दिवस श्रावण महिन्यातील पौर्णिमेचा असल्याने, या दिवसाची शुभ वेळ फक्त सकाळी 9.48 पर्यंत आहे. परंपरेनुसार, हा सण श्रावण पौर्णिमेच्या दिवशी भाद्रमुक्त काळात साजरा केला जातो.
अनेक जण राखी बांधण्यासाठी मुहूर्त पाहतात. यावर्षी राखी बांधण्याची शुभ वेळ सकाळी 9.48 च्या आधीची आहे, असं सांगितलं जात आहे. अशात, जे लोक दिवसभर हा सण साजरा करतात त्यांनी काय करावं? सकाळी 9.48 नंतर राखी बांधल्यास काय होतं? जाणून घ्या
श्रावण पौर्णिमा तिथी गुरुवार, 27 ऑगस्ट रोजी सकाळी 9.08 वाजता सुरू होते आणि शुक्रवार, 28 ऑगस्ट रोजी सकाळी 9.48 वाजता संपते. त्यामुळे, राखी बांधण्यासाठी शुभ वेळ सकाळी 5.57 ते सकाळी 9.48 आहे.
या वर्षी रक्षाबंधनाला राखी बांधण्यासाठी 3 तास 51 मिनिटं मिळतील. हा कालावधी सूर्योदयापासून पौर्णिमा तिथीच्या समाप्तीपर्यंत मोजला जातो. यानंतर भाद्रपद महिन्याच्या कृष्ण पक्षाची प्रतिपदा तिथी सुरू होते.
हे माहीत आहे की रक्षाबंधनाला बहिणी भावांच्या घरी जातात किंवा भाऊ बहिणींच्या घरी जातात. लोकांना अनेकदा शहरांदरम्यान प्रवास करावा लागतो, ज्यामध्ये बराच वेळ लागतो. केवळ 3 तास 51 मिनिटांचा वेळ सर्वांसाठी सोयीचा नसतो.
उदय तिथीनुसार, श्रावण पौर्णिमेची तिथी 28 ऑगस्ट रोजी पूर्ण दिवस असेल. जर बहीण सकाळी 9.48 पर्यंत आपल्या भावाला राखी बांधू शकत नसेल, तर राहूकाळ आणि यमगंडाची वेळ टाळून त्यानंतर राखी बांधता येते.
