Marathi Actress: ‘रंग माझा वेगळा’ फेम अभिनेत्रीचा बोल्ड लूक चर्चेत! फोटोंनी वेधलं चाहत्यांचं लक्ष
‘रंग माझा वेगळा’ फेम अभिनेत्री पुन्हा एकदा चर्चेत आली आहे. तिने केलेल्या स्टायलिश फोटोशूटने चाहत्यांचे लक्ष वेधून घेतले आहे. अभिनेत्रीचे लेटेस्ट फोटो सोशल मीडियावर चर्चेचा विषय ठरत आहेत.
मराठी अभिनेत्री अनघा अतुल भगरे पुन्हा एकदा तिच्या सोशल मीडिया पोस्टमुळे चर्चेत आली आहे. नुकत्याच शेअर केलेल्या फोटोंमध्ये तिचा साधा पण स्टायलिश अंदाज पाहायला मिळत आहे.
ग्रे क्रॉप टॉप आणि ट्रॅक पँट अशा कॅज्युअल आऊटफिटमध्ये अनघाने फोटोशूट केलं आहे. वेगवेगळ्या पोझमधील तिचे फोटो चाहत्यांचं लक्ष वेधून घेत आहेत.
सोफ्यावर बसलेली अनघा, केसांशी खेळताना दिलेल्या पोझ आणि तिच्या चेहऱ्यावरचे एक्स्प्रेशन्स यामुळे फोटोशूटला खास अंदाज आला आहे.
‘रंग माझा वेगळा’ या मालिकेतील श्वेता देवकुळेच्या भूमिकेमुळे अनघाला घराघरात ओळख मिळाली. त्यानंतर ‘पिरतीचा वनवा उरी पेटला’सह नाटक आणि चित्रपटांमध्येही तिने विविध भूमिका साकारल्या आहेत.
अभिनयासोबतच अनघाचा मनोरंजन क्षेत्रातील प्रवासही वेगळा आहे. पडद्यामागे ब्रँड मॅनेजर म्हणून काम केल्यानंतर तिने अभिनयाकडे वळत स्वतःची ओळख निर्माण केली. सध्या ‘लग्नानंतर होईलच प्रेम’ मालिकेतील डॉ. आर्या या भूमिकेमुळे ती पुन्हा चर्चेत आहे.
