अजून थोडं काळ केलं असतं तर दिसलीच नसती; ‘सावळ्याची जणू सावली’ फेम प्राप्ती रेडकर झाली ट्रोल
'सावळ्याची जणू सावली' फेम प्राप्ती रेडकरचा मेकअप पाहून नेटकाऱ्यांनी तिला ट्रोल केले आहे. नेटकरी म्हणाले, 'मालिकेपेक्षाही जास्त इथे...'
झी मराठी वरील लोकप्रिय मालिका ‘सावळ्याची जणू सावली’मधील मुख्य अभिनेत्री प्राप्ती रेडकर हिच्या अभिनयाचे कौतुक होत असतानाच प्राप्ती रेडकारच्या एका लूकवरून सोशल मीडियावर ट्रोलिंग सुरू झाली आहे.
मालिकेत साधी-सोज्वळ आणि सावळी त्वचा असलेली ‘सावली’ साकारणाऱ्या प्राप्तीला शूटिंगवेळी डार्क मेकअप केला जातो. मात्र खऱ्या आयुष्यात ती गोरी आणि स्टायलिश आहे.
अलीकडे झी मराठीच्या पुरस्कार सोहळ्यात तिने गुलाबी फ्लोरल फ्रॉक परिधान केला होता, पण त्यासोबत मालिकेसारखाच सावळ्या शेडचा मेकअप केला होता.
या लूकवरून नेटकऱ्यांनी तिला चांगलंच ट्रोल केलं आहे. ‘हिला अजून थोडं काळ केलं असतं म्हणजे ती दिसलीच नसती', 'यात जरा जास्तच काळी केली आहे सावलीला' अशा कमेंट्स केल्या आहेत.
फक्त 22 वर्षांच्या प्राप्तीने यापूर्वी ‘काव्यांजली’मध्येही काम केले असून सध्या तिचे ‘सावली’ पात्र घराघरांत पोहोचले आहे.
