Sambhajiraje Chhatrapati : 1942-48 पासून निर्वासितांच्या पुनर्वसनात कोल्हापूरच्या राजघराण्याचं मोलाचं योगदान, आजही निर्वासित मानतात आभार, संभाजीराजेंनी कुठे दिली भेट, जाणून घ्या….
‘आझादी का अमृत महोत्सव’च्या पार्श्वभूमीवर एका खास कार्यक्रमाचं आयोजन केलं होतं. यानिमित्त माँटे कॅसिनो वॉर मेमोरियलच्या शेजारील वॉर्सा याठिकाणी संभाजीराजे छत्रपती, संयोगिताराजे छत्रपती यांनी भेट दिली. यावेळी राजघराण्यानं त्याकाळी निर्वासितांना केलेल्या मदतीच्या आठवणी ताज्या झाल्या. पोलंडमधील भारतीय राजदूत नगमा मल्लिक आणि भारतीय दूतावासानं राजेंना या संपूर्ण स्मारकाविषयी माहिती दिली.
‘आझादी का अमृत महोत्सव’च्या पार्श्वभूमीवर एका खास कार्यक्रमाचं आयोजन केलं होतं. यानिमित्त माँटे कॅसिनो वॉर मेमोरियल वॉर्सा याठिकाणी संभाजीराजे छत्रपती, संयोगिताराजे छत्रपती यांनी भेट दिली. यावेळी राजघराण्यानं त्याकाळी निर्वासितांना केलेल्या मदतीच्या आठवणी ताज्या झाल्या. पोलंडमधील भारतीय राजदूत नगमा मल्लिक आणि भारतीय दूतावासानं राजेंना या संपूर्ण स्मारकाविषयी माहिती दिली.
स्मारकस्थळी उंच पुतळा आणि युद्धाच्या खुणा आहेत. स्मारकाच्या पायथ्याशी आच्छादन आणि विखुरलेल्या शिरस्त्राणांनी झाकलेली मॉन्टे कॅसिनोची टेकडी दिसू शकते. दोन मीटरच्या पायथ्याशी मोंटे कॅसिनोचा क्रॉस कोरलेला आहे. युद्धात भाग घेतलेल्या पाच पोलिश युनिट्सचे प्रतीक, एक पोलिश गरुड आणि वीरांची अस्थी असलेला कलश आहे.
यावेळी स्मारकाला राजेंनी सपत्नीक पुष्पहार अर्पण केला. या शिबिरांचा भाग असलेल्या काही वृद्धांनी त्यांच्या कथा सांगितल्या आणि कोल्हापूरच्या राजघराण्याचे आणि भारतातील लोकांचे आभारही मानले.
युद्ध स्मारकाशेजारी एक फलक आहे. हे फलक भारतातील लोकांसाठी कृतज्ञतेचे स्मारक आहे. 1942 मध्ये सोव्हिएत युनियनमधून पलायन केलेल्या 5 हजार पोलिश निर्वासितांचं उदारपणे स्वागत करून त्यांना मदत करण्यात आली होती. 1942-48 पासून या निर्वासितांचे पुनर्वसन करण्यात कोल्हापूरच्या राजघराण्याचं महत्त्वाचं योगदान आहे.
यानंतर ओचोटा येथील गुड महाराजा स्क्वेअरला भेट देण्यात आली. यावेळी महापौर सुश्री डोरोटा स्टेगिएन्का आणि या स्मारकाची देखभाल करणाऱ्या जनुस कॉर्झॅक लिसियम शाळेच्या मुख्याध्यापक आणि शिक्षकांनी युवराजांचे स्वागत केले.
