Amit Thackeray : अमित ठाकरे यांच्या मेहुण्याच्या दिल्लीत विवाह, PM मोदींची सोहळ्याला हजेरी

दिल्लीमध्ये महाराष्ट्र नवनिर्माण सेनेचे नेते अमित ठाकरे यांचे मेहुणे डॉ. राहुल बोरुडे यांचा विवाह सोहळा नुकताच पार पडला. या विवाह सोहळ्याला देशाचे पंतप्रधान नरेंद्र मोदी यांनी विशेष उपस्थिती लावली. पंतप्रधान मोदींच्या उपस्थितीने या कार्यक्रमाला वेगळे महत्त्व प्राप्त झाले. या प्रसंगी अमित ठाकरे आणि पंतप्रधान नरेंद्र मोदी यांच्यात एकत्रितपणे फोटोसेशनही झाले. मनसे अध्यक्ष राज ठाकरे हे देखील या विवाह सोहळ्यासाठी दोन दिवसीय दिल्ली दौऱ्यावर आहेत. या विवाह सोहळ्याची दृश्ये आता समोर आली आहेत. डॉ. राहुल बोरुडे हे अमित ठाकरे यांचे मेहुणे असून, त्यांच्या दिल्लीतील विवाह समारंभाला पंतप्रधानांनी उपस्थिती लावल्याने राजकीय वर्तुळात चर्चेला उधाण आले आहे.