Can we reheat roti : पोळी पुन्हा गरम करून खाल्ल्यावर काय होतं? गृहिणीच नव्हे प्रत्येक व्यक्तीला हे माहीतच हवं
खाण्याच्या चुकीच्या सवयींमुळे पोटाच्या समस्या होणं खूप सामान्य आहे. पोळी पुन्हा गरम करावी की नाही असा प्रश्न काही लोकांना पडतो, त्याबद्दल जाणून घेऊ.
चुकीची जीवनशैली आणि खाण्याच्या चुकीच्या सवयींमुळे पोटाशी संबंधित त्रास होणं हे आजकाल बऱ्याचदा होतं. विशेषतः पावसाळ्यात, चयापचय मंदावते, त्यामुळे या ऋतूत निरोगी आणि साध्या गोष्टी,सकस अन्न खावं.
जरी एखाद्या व्यक्तीने निरोगी पदार्थ योग्यरित्या खाल्ले नाहीत तरी ते नुकसान करू शकतात. जेव्हा तुम्ही आदल्या रात्री उरलेली शिळी भाकरी खाता किंवा ती पुन्हा गरम करून खाता, तेआरोग्यासाठी हानिकारक आहे की नाही ते समजून घेऊया.
भारतीय जेवणात पोळी हा सर्वात महत्वाचा भाग आहे. बहुतेक लोक दिवसातून तीन वेळा पोळी खाणे पसंत करतात. आता एका वेळी अनेक पोळ्या बनवल्या जातात, अशा परिस्थितीत लोक ती पुन्हा गरम करून खातात.
अलिकडेच एका पोषणतज्ञांनी सांगितले की अन्न पुन्हा गरम करण्याची सवय आरोग्यासाठी चांगली नाही. जेव्हा पोळी पुन्हा गरम केली जाते तेव्हा ती कोरडी आणि कडक होते.
पोळी पुन्हा गरम करून खाल्ल्याने ती व्यवस्थित पचत नाही, ज्यामुळे गॅस आणि पोटफुगीसारख्या समस्या उद्भवतात.
ताज्या बनवलेल्या पोळीमध्ये असलेला ओलावा आणि पोषण हे वारंवार गरम केल्याने कमी होते. म्हणून, रोटी पुन्हा गरम करून खाऊ नये. ( डिस्क्लेमर : या आर्टिकलमध्ये देण्यात आलेली माहिती व उपाय हे उपलब्ध स्रोतावरून देण्यात आलेले आहेत. याच्या तथ्यांबद्दल आम्ही कुठलाही दावा करीत नाही. आमचा याला दुजोरा नाही. ते अवलंबण्यापूर्वी तज्ज्ञांचा सल्ला जरूर घ्यावा.)
