शेवग्याच्या शेंग्यांचे सूप बनवण्याची सोपी पद्धत, आरोग्यास कसे होतात फायदे?
पंतप्रधान नरेंद्र मोदी देखील कायम शेवग्याच्या शेंग्यांचं सूप पितात. ज्याचे आरोग्यास अनेक फायदे आहेत. शेवग्याच्या शेंग्यांचं सूप अतिशय पौष्टिक आणि स्वादिष्ट पदार्थ आहे. हे पारंपरिक पद्धतीनं बनवलं जातं आणि आरोग्यासाठीही अत्यंत फायदेशीर आहे.
शेवग्याच्या शेंग्यांचं सूप बनवण्यासाठी शेवग्याच्या शेंगा 6 ते 8 घ्या, 1 बारीक चिरलेला कांदा घ्या. टोमॅटो – 1लसूण – 3–4 पाकळ्या. आलं – अर्धा इंच तुकडा, काळी मिरी – अर्धा टीस्पून, तूप/तेल – 1 टीस्पून, मीठ – चवीनुसार, पाणी – 2 ते 3 कप घ्या.
शेवग्याच्या शेंगा स्वच्छ धुवून घ्या आणि 2–3 इंच लांबीचे तुकडे करा. त्या पाण्यात उकळा जोपर्यंत शेंगा मऊ होत नाहीत. उकडलेल्या शेंग्यांचा गर (pulp) काढून घ्या.
त्यानंतर पॅनमध्ये तूप/तेल गरम करून त्यात लसूण, आलं, कांदा परतून घ्या.त्यात टोमॅटो, काळी मिरी व मीठ घाला. नंतर त्यात शेवग्याचा गर आणि उकळलेले पाणी घालून 5-7 मिनिटे शिजवा.
शेवगा कॅल्शियम, फॉस्फरस व मॅग्नेशियमने भरपूर असल्यामुळे हाडे मजबूत राहतात.व्हिटॅमिन C आणि अँटिऑक्सिडंट्समुळे रोगप्रतिकारक शक्ती वाढते. फायबरयुक्त असल्याने पचनक्रिया सुधारते आणि अजीर्ण टाळते.
सूपमध्ये असलेल्या अँटी-इंफ्लेमेटरी गुणधर्मामुळे सूज व वेदना कमी होतात. व्हिटॅमिन A चा उत्तम स्त्रोत असल्याने दृष्टी सुधारते. शेवग्यातील पोटॅशियम रक्तदाब स्थिर ठेवण्यास मदत करते.
