Sonali Bendre: पैसेही नाही मिळाले मग तरीही सोनाली बेंद्रेने का केलं ‘छम छम…’ गाणं, पहिल्यांदाच सांगितले कारण, ऐकून तुम्ही कराल कौतुक
'छम छम करता...', या गाण्यावर सोनाली बेंद्रेने डान्स केल्याने अनेकांनाच आश्चर्य वाटले होते की, बॉलिवूडची एवढी मोठी अभिनेत्री चक्क मराठी सिनेविश्वात. पण सोनालीने नुकत्याच दिलेल्या एका मुलाखतीत सांगितले की तिने या आधीही एक मराठी सिनेमात काम केले होते.
सोनाली म्हणाली, 'छम छम करता... गाण्यानंतर मी जरी चर्चेत आली असली तरीही मी मी मराठी सिनेमात काम केलं होतं. ज्याची कुठेच चर्चा झाली नाही. 'अनाहत' या मराठी सिनेमात मी काम केलंय. कमर्शिल सिनेमा नसला तरी मी मराठी सिनेमा केलेला.'
छम छम करता गाण्याचा किस्सा सांगताना सोनाली म्हणाली, "मला फोन आला. मला सांगितले गेले की, नवीन दिग्दर्शक आहेत... सगळे नवीन आहे. तू हे गाणे केलंस तर मराठी चित्रपटसृष्टीला बूस्ट मिळेल आणि तसे झाले ही."
पुढे सोनाली म्हणाली, 'मी ते गाणं फक्त मराठी सिनेमाच्या बूस्टसाठी केलं. त्यासाठी मी कोणतेच मानधन घेतले नाही. मला सांगितल्यानंतर, माझ्याकडून मराठी चित्रपटसृष्टीसाठी जे करू शकत होते ते सर्व मी केलं."
सोनालीने नुकतीच कोण होणार करोडपती मराठी शोमध्ये आपली हजेरी लावली आहे. या शोची होस्ट माधुरी दिक्षित आहे. या शोमध्ये सोनालीने अनेक गोष्टींवर भाष्य केले आहे. जसे की कॅन्सर, कॅन्सरनंतरची रिकव्हरी, पर्सनल आयुष्य वगैरे.
