IPL 2026: अक्षर पटेलने ठोकलं खास ‘शतक’, सनरायझर्स हैदराबादविरुद्धच्या सामन्यात केली कमाल
Sunrisers Hyderabad vs Delhi Capitals: सनरायझर्स हैदराबाद आणि दिल्ली कॅपिटल्स यांच्यात हैदराबादच्या राजीव गांधी स्टेडियममध्ये सामना सुरू आहे. या सामन्यात नाणेफेकीचा कौल होताच कर्णधार अक्षर पटेलच्या नावावर एक विक्रम रचला गेला.
आयपीएल 2026 स्पर्धेत अक्षर पटेल दिल्ली कॅपिटल्सचं नेतृत्व करत आहे. सनरायझर्स हैदराबादविरुद्धच्या सामन्यात त्याने एक खास शतक ठोकलं. दिल्ली कॅपिटल्ससाठी हे शतक खूपच खास आहे. (फोटो: पीटीआय)
अक्षर पटेलने दिल्ली कॅपिटल्ससाठी 100 आयपीएल सामने खेळले आहेत. अशी कामगिरी करणारा पहिला अष्टपैलू खेळाडू ठरला. त्याच्या आधी फक्त एकाच खेळाडूने दिल्लीसाठी 100 सामने खेळले आहेत. (फोटो: पीटीआय)
ऋषभ पंतने दिल्ली कॅपिटल्ससाठी सर्वाधिक 111 सामने खेळले आहे. आता अक्षर पटेलच्या नावावर शतक नोंदवलं गेलं आहे. दिल्लीसाठी अमित मिश्राने 99 सामने खेळले आहेत. डेविड वॉर्नरने 89, श्रेयस अय्यरने 87 आणि वीरेंद्र सेहवाने 79 सामने खेळले आहेत. (फोटो: पीटीआय)
अक्षर पटेलची आयपीएल स्पर्धेत निराशाजनक कामगिरी राहिली आहे. डावखुरा फलंदाजाने चार डावांमध्ये 9.6 च्या सरासरीने केवळ 29 धावा केल्या. त्याने पाच बळीही घेतले. (फोटो: पीटीआय)
या स्पर्धेत अक्षर पटेल नाणेफेकीत उत्कृष्ट ठरला आहे. त्याने सलग सहा सामन्यांमध्ये नाणेफेक जिंकली आहे. दुसरीकडे, हैदराबादचा कर्णधार इशान किशनने सर्व सात नाणेफेक गमावल्या आहेत. (फोटो: पीटीआय)
