Pat Cummins: पॅट कमिन्स आयपीएल ठोकणार रामराम? 114 कोटींची ऑफर मिळाल्याने चर्चांना उधाण
आयपीएल 2026 स्पर्धा सुरू असताना ऑस्ट्रेलियाचा कर्णधार पॅट कमिन्सला मोठी ऑफर मिळाली आहे. त्यामुळे आयपीएलमध्ये मिळणारी रक्कम नगण्य असल्याची चर्चा रंगली आहे. त्यामुळे पुढच्या पर्वात आयपीएलला रामराम ठोकू शकतो, अशी सोशल मीडियावर चर्चा होत आहे.
आयपीएल 2026 स्पर्धेच्या सुरूवातीच्या काही सामन्यात पॅट कमिन्स खेळला नाही. दुखापतीमुळे त्याला खेळता आलं नव्हतं. पण आता त्यानं संघात पदार्पण केलं असून सनरायझर्स हैदराबादची धुरा हाती घेतली आहे. असं असताना त्याला या स्पर्धेदरम्यान मोठी ऑफर मिळाली आहे. (Photo: IPL/BCCI)
क्रिकेट ऑस्ट्रेलियाने त्याचासोबतचा करार तीन वर्षांनी वाढवण्याचा निर्णय घेतला आहे. तसेच त्याला 12 मिलियन म्हणजेच 114 कोटी देण्याची ऑफर दिली आहे. लीग स्पर्धेतील त्याचा इंटरेस्ट कमी करण्यासाठी इतकी मोठी ऑफर क्रिकेट ऑस्ट्रेलियाने दिल्याची चर्चा आहे. कारण जास्तीत जास्त सामने देशासाठी खेळता येतील. (Photo: IPL/BCCI)
पॅट कमिन्सला आयपीएलच्या एका पर्वात 18 कोटी रुपये मिळतात. तर त्याने क्रिकेट ऑस्ट्रेलियाची ऑफर स्वीकारली तर त्याला वर्षाला 33 ते 34 कोटी मिळू शकतात. त्यामुळे त्याच्या उत्पन्नात झपाट्याने वाढ होऊ शकते. (Photo: IPL/BCCI)
क्रिकेट ऑस्ट्रेलियाचे क्रिकेट प्रमुख जेम्स ऑलसॉप यांनी सांगितले की, पॅट कमिन्स बऱ्याच काळापासून ऑस्ट्रेलियासाठी तिन्ही फॉरमॅटमध्ये चांगली कामगिरी करत आहे. त्यामुळे त्याला ही ऑफर दिली आहे. आम्हाला माहित आहे की बाजारातील दबावाचा परिणाम सर्वाधिक व्यावसायिक मूल्य असलेल्या खेळाडूंवर होत आहे. (Photo: IPL/BCCI)
अहवालानुसार, कमिन्सला तो कितीही सामने खेळला तरी, पूर्वीपेक्षा जास्त मानधनाची हमी देण्यात आली आहे. मात्र, पॅट कमिन्सने अद्याप या प्रस्तावावर कोणतीही प्रतिक्रिया दिलेली नाही. कमिन्स हा प्रस्ताव स्वीकारतो की नाही, यावरच त्याच्या भविष्यातील योजना अवलंबून असतील. (Photo: IPL/BCCI)
