फिफा वर्ल्डकप स्पर्धेदरम्यान या खेळाडूसाठी 1477 कोटींचा करार, फुटबॉल ट्रेड विंडोत मोडला विक्रम
फिफा वर्ल्डकप 2026 स्पर्धा सुरू असताना एका कराराची जोरदार चर्चा रंगली आहे. ट्रान्सफर विंडोतून एका खेळाडूसाठी फुटबॉल क्लबने 1477 कोटी मोजले आहे. आजवरची फुटबॉलपटूच्या करारासाठी सर्वात मोठी रक्कम आहे.
फिफा वर्ल्डकप 2026 स्पर्धा अमेरिका, मॅक्सिको आणि कॅनडा येथे सुरू आहे. या स्पर्धेत रोमांचक सामने होत आहेत. असं असताना या स्पर्धेदरम्याने फुटबॉल क्लबही एक्शन मोडवर आले आहे. खेळाडूंची देवाणघेवाण सुरू असून ट्रेड विंडो ट्रान्सफरमध्ये इतिहास रचला गेला आहे. एलियट अँडरसनसाठी हजारो कोटींची रक्कम मोजली गेली आहे. (Photo: Getty Images)
फिफा वर्ल्डकप 2026 स्पर्धेत इंग्लंडसाठी खेळणाऱ्या अँडरसनसाठी दिग्गज फुटबॉल क्लब मॅन्चेस्टर सिटीने 116 मिलियन पाउंड म्हणजेच जवळपास 1477 कोटी रुपये मोजले आहेत. या ट्रान्सफरसह अँडरसन हा सर्वात महागडा ब्रिटीश खेळाडू ठरला आहे. (Photo: Getty Images)
एलियट अँडरसनने यापूर्वी ब्रिटीश फुटबॉलपटू जूड बेलिंगहमचा विक्रम मोडीत काढला आहे. त्याच्यासाठी 2023 मध्ये रियाल मॅद्रिदने 115 मिलियन पाउंड मोजत बोरूशिया डॉर्टमंडकडून विकत घेतलं होतं. त्याने 2021मध्ये जॅक ग्रिलिशचा विक्रम मोडीत काढला होता. त्याच्यासाठी 100 मिलियन पाउंड मोजले होते. (Photo: Getty Images)
इंग्लिश प्रीमियर लीगचा गतविजेता मॅन्चेस्टर सिटीने हा करार नाटिंघम फॉरेस्टसोबत केला. या करारातून नॉटिंघम फॉरेस्टला जवळपास 81 मिलियन पाउंड म्हणजेच 1030 कोटींचा फायदा झाला आहे. कारण या क्लबने अँडरसनला 2024 मध्ये न्यूकासल युनाइडेटकडून 35 मिलियन पाउंडला विकत घेतलं होतं. (Photo: Getty Images)
एलियट अँडरसन सध्या अमेरिकेत इंग्लंड संघासोबत आहे. या संघात सेंट्रल मिडफिल्डर म्हणून भूमिका बजावत आहे. आतापर्यंत खेळलेल्या चार सामन्यात एका गोलसाठी सहकार्य केलं आहे. (Photo: Getty Images)
