FIFA World Cup स्पर्धेच्या 96 वर्षात फक्त सहा वेळा असं घडलं, अर्लिंग हालांडच्या मल्टीपल गोलमुळे कमाल
फिफा वर्ल्डकप 2026 स्पर्धेत आतापर्यंत 100हून अधिक गोलची नोंद झाली आहे. यात एका पेक्षा एक सरस गोल मारले गेले आहेत. पण अर्लिंग हालांडचे गोल वेगळे ठरले आहेत. त्याने या स्पर्धेत मारलेल्या गोलची विक्रमाची यादीत नोंद झाली आहे.
फिफा वर्ल्डकप 2026 स्पर्धेत सर्वांच्या नजरा या स्टार फुटबॉलपटू मेस्सी, एम्बाप्पे आणि रोनाल्डोवर खिळल्या आहेत. दुसरीकडे, या स्टार फुटबॉलपटूंच्या गराड्यात नॉर्वेच्या अर्लिंग हालांडने एक विक्रम रचला आहे. त्याने फिफा वर्ल्डकप स्पर्धेतील गोलची दुर्मिळ कामगिरी केली आहे. आतापर्यंत या स्पर्धेच्या इतिहासात फक्त सहा वेळा अशी कामगिरी केली गेली आहे. (Photo: Getty Images)
फिफा वर्ल्डकप स्पर्धेला 1930पासून सुरूवात झाली होती. तेव्हापासून आतापर्यंत हालांड हा सहावा खेळाडू ठरली आहे. त्याने या स्पर्धेच्या पहिल्या दोन सामन्यात मल्टीपल गोल मारले आहे. म्हणजेच एकापेक्षा अधिक गोल मारले आहेत. (Photo: Getty Images)
1930 मध्ये फिफा वर्ल्डकप स्पर्धेत अर्जेंटिनाच्या ग्यूलर्मो स्टेबाइने सलग तीन सामन्यात एकापेक्षा अधिक गोल मारले होते. त्यानंतर 24 वर्षांनी अशी कामगिरी घडली. 1954 मध्ये हंगेरीच्या सँडोर कोसिसने पहिला वर्ल्डकप खेळताना 4 सामन्यात एकहून अधिक गोल मारले. (Photo: Getty Images)
1954 नंतर पुढच्या वर्ल्डकप स्पर्धेत फ्रान्सच्या जस्ट फॉन्टेनीने पहिल्या दोन सामन्यात एकहून अधिक गोल मारले. त्यानंतर 1974 मध्ये वर्ल्डकप स्पर्धेत ग्रेजगोर्ज लाटोने अशी कामगिरी केली होती. (Photo: Getty Images)
1974 नंतर थेट 2018 मध्ये अशी कामगिरी पाहायला मिळाली. इंग्लंडच्या हॅरी केनने पहिला फिफा वर्ल्डकप खेळताना पहिल्या दोन सामन्यात एकापेक्षा अधिक गोल मारले. (Photo: Getty Images)
