FIFA: एम्बाप्पेची चमकदार कामगिरी, पॅराग्वेला पराभूत करत सलग चौथ्यांदा गाठली उपांत्यपूर्व फेरी
France vs Paraguay: फिफा वर्ल्डकप स्पर्धा आता शेवटच्या टप्प्यात आली आहे. राउंड ऑफ 16 फेरीचे सामने सुरू झाले आहे. असं असताना या फेरीत फ्रान्सने पॅराग्वेला 1-0 ने मात दिली आणि चौथ्यांदा उपांत्यपूर्व फेरी गाठली आहे.
फ्रान्सने राउंड ऑफ 16 मध्ये पॅराग्वेला 1-0 ने मात दिली आणि उपांत्यपूर्व फेरीत धडक मारली आहे. फ्रान्सने सलग चौथ्या वर्ल्डकप स्पर्धेत टॉप 8 मध्ये जागा मिळवली आहे. आता गुरूवारी फ्रान्सचा सामना मॅसाचुसेट्सच्या फॉक्सबोरोमध्ये मोरक्कोशी होईल. (Photo: France Football Twitter)
फ्रान्सला या सामन्यात विजयासाठी झुंजावं लागलं. या सामन्याच्या पहिल्या हाफमध्ये एकही गोल झाला नाही. दुसऱ्या हाफमध्ये 70 व्या मिनिटाला फ्रान्सला संधी मिळाली. व्हिडिओ रिव्ह्यू (VAR) नंतर पॅराग्वेचा दिएगो गोमेझ बॉक्समध्ये खेळाडूला अडखळवल्याबद्दल दोषी आढळला, ज्यामुळे फ्रान्सला पेनल्टी देण्यात आली. (Photo: France Football Twitter)
एम्बाप्पेने संधीचं सोनं केलं आणि आपल्या वैशिष्ट्यपूर्ण शैलीत क्षणभर थांबून एक अप्रतिम गोल मारला. हा गोल फ्रान्सचा विजय आणि उपांत्यपूर्व फेरीतील स्थान निश्चित करण्यासाठी पुरेसा ठरला. या गोलमुळे एम्बाप्पेने विश्वचषक इतिहासात एक नवीन टप्पा गाठला. (Photo: France Football Twitter)
किलियन एम्बाप्पेचा 19वा विश्वचषक गोल होता. एम्बाप्पे आता विश्वचषक इतिहासातील सर्वाधिक गोलांच्या बाबतीत अर्जेंटिनाचा महान खेळाडू लिओनेल मेस्सीच्या विक्रमापासून फक्त एका गोलने मागे आहे. (Photo: France Football Twitter)
किलियन एम्बाप्पे आणि लिओनेल मेस्सी यांच्यातील गोल्डन बूटची शर्यत खूपच रोमांचक झाली आहे. दोन्ही खेळाडू प्रत्येकी 7 गोलांसह शर्यतीत आघाडीवर आहेत. त्यामुळे उपांत्यपूर्व फेरीचे सामने किलियन एम्बाप्पे आणि लिओनेल मेस्सी या दोघांसाठीही महत्त्वाचे असतील. (Photo: France Football Twitter)
