Harmanpreet Kaur: हरमनप्रीत कौरचा टी20 वर्ल्डकप स्पर्धेत विश्वविक्रम, नाणेफेक होताच नावावर नोंदवला रेकॉर्ड
आयसीसी वुमन्स टी20 वर्ल्डकप स्पर्धेत भारताचा सामना दक्षिण अफ्रिकेशी होत आहे. या सामन्यात भारतीय संघाने नाणेफेकीचा कौल जिंकला आणि प्रथम फलंदाजी स्वीकारली. पण हा सामना सुरू होण्यापूर्वी हरमनप्रीत कौरच्या नावावर विक्रमाची नोंद झाली.
भारतीय महिला क्रिकेट संघाची कर्णधार हरमनप्रीत कौर हीने वर्ल्ड क्रिकेटमध्ये एका विक्रमाची नोंद केली आहे. आतापर्यंत जगातील पुरूष किंवा महिला खेळाडू करू शकलेला नाही. वुमन्स टी20 वर्ल्डकप स्पर्धेत दक्षिण अफ्रिकेविरुद्धचा सामना हरमनप्रीत कौरसाठी खास आहे. हा हरमनप्रीत कौरचा 200 टी20 आंतरराष्ट्रीय सामना असून जगातील पहिली क्रिकेटपटू ठरली आहे. (PHOTO CREDIT- PTI)
मॅन्चेस्टर येथे भारत आणि दक्षिण अफ्रिका संघ आमनेसामने आले आहेत. या स्पर्धेतील महत्त्वाचा सामना आहे. इतकंच काय तर हरमनप्रीत कौरच्या कारकिर्दीसाठी संस्मरणीय असणार आहे. जवळपास 17 वर्षांच्या आंतरराष्ट्रीय क्रिकेट कारकिर्दीत चांगल्या खेळीसह फिटनेस सांभाळत हा 200 सामन्यांचा पल्ला गाठला आहे. (PHOTO CREDIT- PTI)
हरमनप्रीत कौरने 200 व्या सामन्यात एक वर्तुळ पूर्ण केलं आहे. 2009 मध्ये इंग्लंडमध्येच टी20 वर्ल्डकप स्पर्धेत हरमनप्रीत कौरने आंतरराष्ट्रीय टी20 करिअरची सुरूवात केली होती. आता 2026 मध्ये 10वं पर्व सुरू असून इंग्लंडमध्येच स्पर्धा होत आहे. या भूमीत हरमनप्रीतने 200वा सामना खेळत इतिहास रचला. (PHOTO CREDIT- PTI)
हरमनप्रीत कौर चांगल्या फॉर्मात असून मागच्या वर्षी तिच्या नेतृत्वात भारताने वनडे वर्ल्डकप स्पर्धेत जेतेपद मिळवलं होतं. आता भारताला पहिलं टी20 वर्ल्डकप जेतेपद मिळवून देण्याचा हरमनप्रीत कौरचा मानस आहे. (PHOTO CREDIT- PTI)
आयसीसी वुमन्स टी20 वर्ल्डकप स्पर्धेत भारतीय संघाची सुरूवात चांगली राहिली आहे. पहिल्या दोन्ही सामन्यात भारताने विजय मिळवला आहे. पाकिस्तान आणि नेदरलँडनंतर दक्षिण अफ्रिकेला पराभूत करण्याचं आव्हान आहे. (PHOTO CREDIT- PTI)
