WIW vs SLW : मी अपयशी कर्णधार, चमारी अट्टापट्टूला विंडीज विरुद्धचा पराभव जिव्हारी, काय म्हणाली?
श्रीलंका वुमन्स टीमला वर्ल्ड कप स्पर्धेत आतापर्यंत 3 पैकी 2 सामन्यांत पराभूत व्हावं लागलंय. श्रीलंकेच्या या निराशाजनक कामगिरीसाठी कर्णधार चामरी अट्टापट्टू हीने स्वत:ला कारणीभूत ठरवलंय. जाणून घ्या.
श्रीलंका टीमचा आयसीसी वुमन्स टी 20i वर्ल्ड कप 2026 स्पर्धेत वेस्ट इंडिज विरुद्ध 5 विकेट्सने पराभव झाला. विंडीज विरूद्धच्या पराभवानंतर श्रीलंकेची कर्णधार चामरी अट्टापट्टू हीने नाराजी व्यक्त केली. चमारीने स्वत:ला अपयशी कर्णधार असल्याचं म्हटलं. (Photo Credit :PTI)
"वेस्ट इंडिज विरुद्धचा पराभव शब्दात व्यक्त करण्यासारखा नाही. मी श्रीलंकेसाठी 18 वर्षांपासून खेळतेय. मात्र एकदाही श्रीलंकेला उपांत्य फेरीपर्यंत पोहचवण्यात यशस्वी ठरले नाही. मी खेळाडू म्हणून खूप काही मिळवलंय. मात्र मी कर्णधार म्हणून अपयशी आहे", असं चामरीने म्हटलं. (Photo Credit :PTI)
चामरी टी 20i वर्ल्ड कप स्पर्धेतील सर्व पर्वात सहभागी होणाऱ्या मोजक्याच खेळाडूंपैकी एक आहे. चामरी 18 वर्षांत 10व्यांदा टी 20i वर्ल्ड कप स्पर्धेत खेळत आहे. चामरीचा हा कदाचित अखेरचा टी 20i वर्ल्ड कप असू शकतो. पुढील टी 20i वर्ल्ड कप स्पर्धेचं आयोजन हे 2028 साली करण्यात येणार आहे. तेव्हा चामरी 38 वर्षांची असेल. (Photo Credit :PTI)
चामरीने या टी 20i वर्ल्ड कप स्पर्धेतील श्रीलंकेच्या निराशाजनक कामगिरीसाठी स्वत:ला कारणीभूत ठरवलं. "मी चांगले खेळले असते तर जिंकलो असतो. मात्र तसं झालं नाही.", असं चामरीने म्हटलं. (Photo Credit :PTI)
चामरीला वर्ल्ड कप स्पर्धेच्या 10 व्या पर्वात आतापर्यंत काही खास करता आलं नाही. चामरीने 3 सामन्यांत अवघ्या 33 धावा केल्या. तर 2 विकेट्स मिळवल्या. (Photo Credit :PTI)
