Asian Games : एशियन गेम्समध्ये भारताचं 72 वर्षातील सर्वोत्तम कामगिरी, वाचा काय ते
Asian Games 2023 : एशियन गेम्समध्ये भारताची कामगिरी सर्वोत्तम राहिली आहे. 72 वर्षातील इतिहासात भारताचं जबरदस्त प्रदर्शन आहे. आतापर्यंत एकूण 81 पदकांची कमाई केली आहे.
एशियन गेम्समध्ये भारतीय खेळाडूंनी जबरदस्त कामगिरीचं प्रदर्शन केलं आहे. 11 व्या दिवशीही भारतीय खेळाडूंनी पदकांची कमाई केली. एशियन गेम्समध्ये 72 वर्षातील सर्वोत्तम कामगिरी आहे.
बुधवारी एकूण 12 मेडल भारताच्या खात्यात आले. यात 3 गोल्ड, 5 सिल्व्हर आणि 4 ब्राँझ मेडल आहेत. आता भारतीय मेडलची संख्या 81 वर पोहोचली आहे. भारताचा हा नवा विक्रम आहे.
2018 मध्ये भारताने 69 मेडल जिंकले होते. आतापर्यंत भारताने 81 मेडल जिंकले आहेत. दुसरीकडे, 2018 मध्ये भारताने 16 गोल्ड मेडल जिंकले होते. आता ही संख्या 18 पर्यंत पोहोचली आहे.
4 ऑक्टोबर नीरज चोप्रा भालाफेक स्पर्धेत गोल्ड जिंकलं. हे त्याचं सलग दुसरं गोल्ड पदक आहे. तसेच किशोर जेना यानेही या स्पर्धेत सिल्व्हर पदकाची कमाई केली.
भारताने 18 गोल्ड, 31 सिल्व्हर आणि 32 ब्राँझ मेडल पटकावले आहेत. भारताला क्रिकेट, हॉकी, स्क्वाश मिक्स्ड डबल्स या स्पर्धेतून पदकांची अपेक्षा आहे.
