अभिषेक शर्माची रूमर्ड गर्लफ्रेंड म्हणून रंगली चर्चा! काय करते ते जाणून घ्या
अभिषेक शर्माकडे भारतीय क्रिकेटचं भविष्य म्हणून पाहिलं जात आहे. त्याने अल्पावधीतच अनेक विक्रमांना गवसणी घातली आहे. आता आशिया कप स्पर्धेसाठी सज्ज झाला आहे. असं असताना पुन्हा एकदा त्याच्या रूमर्ड गर्लफ्रेंडची चर्चा रंगली आहे. त्यांच्या नात्याबाबत तसं तर कोणालाच माहिती नाही. पण सोशल मीडियावर मात्र चर्चा रंगली आहे.
टीम इंडियाचा सलामी फलंदाज आणि भविष्यातील स्टार खेळाडू अभिषेक शर्माने वयाचं 25वं वर्ष पूर्ण केलं आहे. टी20 क्रिकेटमध्ये त्याच्या नावाची प्रतिस्पर्धी संघांमध्ये दहशत आहे. त्यामुळे अल्पावधीतच त्याने नाव कमावलं आहे. त्यामुळे त्याचे लाखो फॅन्स आहेत. यात एक नाव लैला फैसल हीचं देखील आहे. (PC-INSTAGRAM)
रिपोर्टनुसार, अभिषेक शर्माच्या वाढदिवसानिमित्त त्याला शुभेच्छा देण्यासाठी लैला फैसल देखील पोहोचली होती. त्यामुळे तिचं नाव आता अभिषेक शर्मासोबत जोडलं जात आहे. सोशल मीडियावर तशा चर्चा रंगल्या आहेत. पण याबाबत अधिकृत असं काहीच पुढे आलेलं नाही. चला जाणून घेऊयात लैला फैसल आहे तरी कोण? (PC-INSTAGRAM)
लैला फैसल एक मॉडेल असून तिचा स्वत:चा बिझनेस देखील आहे. लैला लक्झरी फॅशन ब्रँड एलआरएफची संस्थापक आहे. लैला दिल्लीची असून एका श्रीमंत घरात तिचा जन्म झाला आहे. (PC-INSTAGRAM)
लैलाने दिल्लीच्या डीपीएस, आरके पुरममध्ये शालेय शिक्षण घेतलं आहे. तसेच पुढचं शिक्षण लंडनच्या किंग्स कॉलेजमध्ये घेतलं आहे. तिने युनिवर्सिटी ऑफ द आर्ट्स लंडनमधून फॅशन डिझाईन, फॅशन मार्केटिंग आणि स्टायलिंगचं तंत्रशुद्ध शिक्षण घेतलं आहे. (PC-INSTAGRAM)
लैला फैसलचं नाव अभिषेक शर्मासोबत जोडलं जात आहे. कारण फेब्रुवारी महिन्यात इंग्लंड विरूद्धच्या सामन्यात त्याने शतक ठोकलं होतं. तेव्हा तिने त्याचं कौतुक केलं होतं. त्यानंतर या दोघांमध्ये काहीतरी सुरु असल्याची चर्चा रंगली. मात्र याबाबत दोघांनीही काहीच सांगितलेलं नाही. (PC-INSTAGRAM)
