77 लाखांची सॅलरी, सहा सामन्यात खेळून संघाला मिळवून दिलं अव्वल स्थान, पण भारतीय खेळाडू स्पर्धेतून आऊट
The Hundred Women's: वुमन्स द हंड्रेड लीग स्पर्धेत सदर्न ब्रेवसाठी खेळताना भारतीय फलंदाजाने सहा डावात जबरदस्त खेळी केली. प्रत्येक सामन्यात तिने विजयात योगदान दिलं आहे. पण आता स्पर्धेतून आऊट झाली आहे.
इंग्लंडमध्ये सुरू असलेल्या द हंड्रेड वुमन्स लीग स्पर्धेत काही भारतीय खेळाडूंनी सहभाग घेतला आहे. यात जेमिमा रॉड्रिग्सचा समावेशही आहे. तिने या स्पर्धेत जबरदस्त कामगिरी केली. पण तिचा स्पर्धेतील प्रवास आता संपला आहे.
द हंड्रेड लीग स्पर्धेत साउथँप्टनची फ्रेंचायझी सदर्न ब्रेवसाठी खेळणारी जेमिमा रॉड्रिग्स या स्पर्धेतून बाद झाली आहे. जेमिमा रॉड्रिग्सला हॅमस्ट्रिंग दुखापत झाली आहे. त्यामुळे या स्पर्धेतील उर्वरित सामन्यात खेळणार नाही.
सदर्न ब्रेव फ्रेंचायझीने जेमिमा रॉड्रिग्ससाठी 60 हजार पाउंड म्हणजेच 77 लाख रुपये मोजून संघात घेतलं होतं. जेमिमाने सदर्न ब्रेवसाठी खेळताना 6 सामन्यात 36 च्या सरासरीने 143 धावा केल्या.
जेमिमा रॉड्रिग्सने या स्पर्धेत काही मोठी खेळी केली नाही. पण प्रत्येक सामन्यात आवश्यक धावा केल्या. त्या धावांच्या जोरावर सदर्न ब्रेवने जबरदस्त कामगिरी नोंदवली. तसेच गुणतालिकेत पहिलं स्थान गाठलं. आता जेमिमाच्या जागी चार्ली नॉटला साइन केलं आहे.
जेमिमा रॉड्रिग्स हिला झालेली दुखापत सदर्न ब्रेवसाठीच नाही तर टीम इंडियासाठीही धक्का आहे. कारण ऑगस्ट महिन्याच्या शेवटी टीम इंडिया आशिया कप स्पर्धेत भाग घेणार आहे. त्यामुळे या स्पर्धेपूर्वी फिट होणार की नाही हा प्रश्न आहे. (फोटो: टीव्ही 9 हिंदीवरून)
