PBKS vs LSG : श्रेयस अय्यरची मॅचविनिंग खेळी, लखनौविरुद्ध मोठा रेकॉर्ड ब्रेक
Shreyas Iyer Most Sixes in IPL as a Captain : श्रेयस अय्यरने लखनौ सुपर जायंट्सविरुद्धच्या सामन्यात मंगळवारी 1 एप्रिलला 52 धावांची स्फोटक खेळी केली. श्रेयसने या खेळीसह कर्णधार म्हणून एका विक्रमाला गवसणी घातली आहे.
पंजाब किंग्सने आयपीएलच्या 18 व्या मोसमातील 13 व्या सामन्यात धमाकेदार कामगिरी केली. पंजाबने लखनौ सुपर जायंट्सवर 8 विकेट्सने दणदणीत विजय मिळवला. श्रेयस अय्यर याने कर्णधार म्हणून शानदार बॅटिंग केली. (Photo Credit : IPL/BCCI)
श्रेयस अय्यरने नाबाद अर्धशतकी खेळी केली. श्रेयसने 30 बॉलमध्ये 52 धावा केल्या. श्रेयसने या खेळीत 3 चौकार 4 षटकार ठोकले. (Photo Credit : IPL/BCCI)
अय्यरने या खेळीसह एक विक्रम आपल्या नावावर केला आहे. श्रेयस आयपीएलमध्ये सर्वाधिक सिक्स ठोकणारा सातवा कर्णधार ठरला आहे. (Photo Credit : IPL/BCCI)
श्रेयस अय्यरने कर्णधार म्हणून षटकार लगावण्याबाबत अनेक दिग्ग्जांना मागे टाकलं आहे. अय्यरने एडन गिलख्रिस्टला पछाडलं आहे. (Photo Credit : Shreyas Iyer X Account)
श्रेयस अय्यरने आतापर्यंत आयपीएलमध्ये कर्णधार म्हणून 83 षटकार लगावले आहेत. या यादीत महेंद्रसिंह धोनी पहिल्या स्थानी आहे. धोनीच्या नावावर 218 सिक्सची नोंद आहे. (Photo Credit : Shreyas Iyer X Account)
