Asia Cup 2023 | आशिया कपमध्ये टीम इंडिया-पाकिस्तान पुन्हा आमनेसामने!
Asia Cup 2023 Team India vs Pakistan | टीम इंडिया विरुद्ध पाकिस्तान यांच्यातील हायव्होल्डेज सामना हा पावसामुळे रद्द करावा लागल्याने चाहत्यांमध्ये नाराजी पाहायला मिळाली.
आशिया कपमधील पाकिस्तान विरुद्ध टीम इंडिया यांच्यात 2 सप्टेंबरला सामना खेळवणयात आला. हा सामना पावसामुळे रद्द करावा लागला.
मात्र आता क्रिकेट चाहत्यांसाठी गूड न्यूज आहे. टीम इंडिया विरुद्ध पाकिस्तान पुन्हा 10 सप्टेंबरला आमनेसामने येऊ शकतात.
सामना रद्द झाल्याने पाकिस्तानने सुपर 4 मध्ये धडक मारली. तसेच टीम इंडियाला सुपर 4 मध्ये पोहचण्यासाठी नेपाळ विरुद्ध जिंकावं लागणार आहे.
नेपाळ विरुद्ध जिंकताच टीम इंडिया सुपर 4 साठी क्वालिफाय करेल. टीम इंडिया-पाकिस्तान ए ग्रुपमध्ये आहेत. ए ग्रुपमधून क्वालिफाय केल्यानंतर दोन्ही संघ ए -2 आणि ए 1 स्थानी पोहचतील.
टीम इंडिया ग्रुप ए मधून अव्वल स्थानी राहिली तरी ए 2 असेल, कारण पाकिस्तानने ए ग्रुपमधून सर्वात आधी सुपर 4 मध्ये क्वालिफाय केलंय. सुपर 4 मध्ये 10 सप्टेंबरला ए 1 विरुद्ध ए 2 सामना होणार आहे. पाकिस्तान टीम ए-1 आहे. तर नेपाळ विरुद्ध टीम इंडिया जिंकल्यास ए 2 ठरेल. त्यामुळे 10 सप्टेंबरला भारत-पाक सामना होण्याची शक्यता आहे.
इतकंच नाही, टीम इंडिया-पाकिस्तान आशिया कप फायनलमध्येही आमनेसामने येऊ शकतात. मात्र आता फायनलबद्दल काही सांगता येत नाही, पण सुपर 4 मध्ये टीम इंडिया-पाकिस्तान निश्चित समजलं जात आहे.
