Ravichandran Smaran : 200,200,200, रवीचंद्रन स्मरणची फर्स्ट क्लास कामगिरी, झळकावलं तिसरं द्विशतक
Ravichandran Smaran Double Century : कर्नाटकाचा फलंदाज रवीचंद्रन स्मरण याने फर्स्ट क्लास क्रिकेटमध्ये कारकीर्दीतील तिसरं द्विशतक झळकावलं आहे. स्मरणने चंडीगड विरूद्धच्या सामन्यात मैदानात चौफेर फटकेबाजी करत गोलंदाजांची धुलाई केली.
देशांतर्गत क्रिकेट स्पर्धेत प्रतिष्ठेच्या रणजी ट्रॉफी 2025-2026 स्पर्धेचा थरार सुरु आहे. या स्पर्धेत एका फलंदाजाने चंडीगड विरुद्ध धमाका केला आहे. या फलंदाजाने एकूण तिसरं द्विशतकं झळकावलं आहे. (Photo Credit : PTI)
कर्नाटकाच्या रवीचंद्रन स्मरण याने चंडीगड विरुद्ध द्विशतक झळकावलं. रवीचंद्रनने नाबाद 227 धावा केल्या. रवीचंद्रनच्या कारकीर्दीतील ही सर्वोच्च धावसंख्या ठरली. (Photo Credit : PTI)
रवीचंद्रन स्मरण याने या खेळीत चौकार-षटकारांचा पाऊस पाडला. स्मरणने 2 षटकार आणि 16 चौकार लगावले. स्मरणच्या या खेळीच्या जोरावर कर्नाटकाने 547 धावा केल्या. (Photo Credit : PTI)
स्मरण रणजी ट्रॉफी स्पर्धेच्या यंदाच्या मोसमात सातत्याने धावा करत आहे. स्मरणने आतापर्यंत 5 डावांत 550 पेक्षा अधिक धावा केल्या आहेत. स्मरणने 147 च्या सरासरीने 595 धावा केल्या आहेत. स्मरणने या मोसमात 2 द्विशतकं लगावली आहेत. तसेच स्मरणने फर्स्ट क्लास क्रिकेट कारकीर्दीतील अवघ्या 13 सामन्यांमध्ये 3 वेळा 200 पेक्षा अधिक धावा केल्या आहेत. (Photo Credit : PTI)
विशेष आणि उल्लेखनीय बाब म्हणजे रवीचंद्रन या मोसमात दोन्ही वेळा द्विशतकी खेळी केल्यानंतर नाबाद राहिला. रवीचंद्रनने या वर्षात आतापर्यंत 115 च्या सरासरीने 1 हजार 35 धावा केल्या आहेत. (Photo Credit : PTI)
