T20 World Cup आधी भारताच्या खेळाडूची कसोटी, 2 सामने खेळणार, कुणाविरुद्ध? जाणून घ्या
Icc T20i World Cup 2026 : आयसीसी टी 20i वर्ल्ड कप स्पर्धेला 7 फेब्रुवारीपासून सुरुवात होणार आहे. मात्र त्याआधी भारताचा 1 मॅचविनर खेळाडू 2 सामने खेळणार आहे. जाणून घ्या कोण आहे तो.
टीम इंडियाने टी 20 वर्ल्ड कपआधीच्या शेवटच्या मालिकेत धमाका केला. भारताने न्यूझीलंडचा 5 सामन्यांच्या टी 20i मालिकेत 4-1 अशा एकतर्फी फरकाने धुव्वा उडवला. भारताला या दणदणीत विजयानंतर गूड न्यूज मिळाली आहे. भारताचा मॅचविनर खेळाडू फिट झाला आहे. (Photo: PTI)
टीम इंडियाचा मधल्या फळीतील प्रमुख फलंदाज तिलक वर्मा फिट झाला आहे. तिलकला दुखापतीमुळे न्यूझीलंड विरूद्धच्या टी 20i मुकावं लागलं होतं. मात्र आता तिलकने दुखापतीवर मात केली आहे. मीडिया रिपोर्ट्सनुसार, बीसीसीआयच्या सेंटर ऑफ एक्सीलेन्सकडून तिलक पूर्णपणे फिट असल्याचं जाहीर करण्यात आलं आहे. (Photo: PTI)
तिलकला दुखापतीमुळे एक महिना क्रिकेटपासून दूर रहावं लागलं. तिलकने अखेरचा सामना हा रणजी ट्रॉफी स्पर्धेत खेळला होता. मात्र तिलकवर दुखापतीनंतर शस्त्रक्रिया झाली. त्यानंतर तिलक बंगळुरुत रिहॅब करत होता. (Photo: PTI)
तिलक वर्मा याची टी 20i वर्ल्ड कप स्पर्धेसाठी निवड करण्यात आली आहे. त्यामुळे तिलक या स्पर्धेआधी 2 सराव सामने खेळणार आहे. भारताच्या मुख्य संघातील खेळाडू विश्रांतीवर असताना तिलकसाठी कमबॅक म्हणून हे 2 सामने निर्णायक असणार आहेत. भारतीय संघातील इतर खेळाडू 1 तर तिलक 2 सामने खेळणार आहे. (Photo: PTI)
वर्ल्ड कप स्पर्धेआधी होणाऱ्या सराव सामन्यात इंडिया ए टीम 2 फेब्रुवारीला यूएसए विरुद्ध भिडणार आहे. तर त्यांनतर 4 फेब्रुवारीला इंडिया एसमोर दक्षिण आफ्रिकेचं आव्हान असणार आहे. तिलकसाठी हे सामने फॉर्म आणि फिटनेसच्या दृष्टीने निर्णायक ठरणार आहेत. (Photo: PTI)
