IND vs SL: श्रीलंकेचं गॉल मैदान 391 धावांसह भारताच्या या खेळाडूने गाजवलं, सचिन-द्रविड-लक्ष्मण फेल
भारत आणि श्रीलंका कसोटी मालिकेला 15 ऑगस्टपासून सुरूवात होणार आहे. पहिला कसोटी सामना गॉल येथे खेळला जाणार आहे. या मैदानात भारत श्रीलंका यांच्यात पाच कसोटी सामने झाले आहेत. त्यापैकी श्रीलंकेने 3 आणि भारताने दोन जिंकले आहे. असं असताना हे मैदान भारताच्या काही फलंदाजांना खूपच भावलं आहे. तर सचिन, द्रविड आणि लक्ष्मणसारखे दिग्गज खेळाडू फेल गेले आहेत.
भारत श्रीलंका कसोटी मालिकेतील पहिला सामना गॉल आंतरराष्ट्रीय मैदानात खेळला जाणार आहे. या मैदानात दिग्गज खेळाडूंनी खोऱ्याने धावा केल्या आहेत. पण सचिन तेंडुलकरची बॅट या मैदानात कधी चालली नाही. असं असताना एका खेळाडूने हे मैदान मात्र गाजवलं आहे. (Photo: BCCI Twitter)
भारताचा आक्रमक फलंदाज वीरेंद्र सेहवागला हे मैदान चांगलं भावलं आहे. त्याने या मैदानात खोऱ्याने धावा केल्या आहेत. त्याने गॉलमध्ये दोन कसोटी सामन्यात एकूण 391 धावांची खेळी केली आहे. (Photo: Getty Image)
वीरेंद्र सेहवागने गॉलमध्ये 130.33 च्या सरासरीने धावा केल्या आहेत. यावेळी त्याचा स्ट्राईक रेट हा 90 पेक्षा जास्त होता. यात एक शतक, एक द्विशतक आणि एका अर्धशतकाचा समावेश आहे. (Photo: Getty Image)
गॉलमध्ये शिखर धवनने देखील चांगली फलंदाजी केली आहे. त्याने दोन कसोटी सामन्यात 91.50 च्या सरासरीने 366 धावा केल्या ठआहेत. त्याने गॉलमध्ये दोन शतकं झळकावली आहेत. (Photo: Getty Image)
गॉलमध्ये सचिन तेंडुलकर, राहुल द्रविड, व्हीव्हीएस लक्ष्मण या सारखे दिग्गज खेळाडू मात्र फेल गेले आहेत. द्रविडने 36पेक्षा जास्तीच्या सरासरीने 181 धावा, लक्ष्मणने 35.75 च्या सरासरीने 143 धावा आणि सचिन तेंडुलकरने 32 च्या सरासरीने फक्त 128 धावा केल्या आहेत. (Photo: PTI)
