WPL Final | हरमनप्रीत कौर हीच्या वाटेतला काटा, कॅप्टन आता उपटून काढणार का?
वूमन्स प्रीमिअर लीग फायनलमध्ये मुंबई इंडियन्स विरुद्ध दिल्ली कॅपिट्ल्स यांच्यात अंतिम सामना खेळवण्यात येणार आहे. या महामुकाबल्यानिमित्ताने क्रिकेट चाहत्यांना 2 खेळाडूंमधील कडवी झुंज पाहायला मिळणार आहे.
वूमन्स टीम इंडियाची कर्णधार हरमनप्रीत कौर हीने आतापर्यंत अनेक विक्रम केले आहेत. हरमनने आपल्या नेतृत्वात टीम इंडियाने अनेकदा विजय मिळवून दिला आहे. मात्र मेग लॅनिंग ही हरमनप्रीत हीच्या मार्गातला अडथळा ठरलीय.
टीम इंडिया 2020 मध्ये कॉमनवेल्थ गेम्स फायनलमध्ये धडक मारली होती. मात्र तेव्हा ऑस्ट्रेलियाच्या कर्णधाराच्या भूमिकेत असलेल्या मेग लॅनिंग हीने हरमनप्रीतला इतिहास करण्यापासून रोखलं.
ऑस्ट्रेलियाने टीम इंडियाचा 2020 मध्ये टी 20 वर्ल्ड कपमध्ये पराभव केला होता. यासह ऑस्ट्रेलियाने टीम इंडियाला आयसीसी ट्रॉफी जिंकण्यापासून रोखलं. मेग लॅनिंग हीच्या नेतृत्वातच ऑस्ट्रेलियाने ही कामगिरी केली होती. तसेच टीम इंडिया कॉमनवेल्थ गेम्समध्ये गोल्ड मेडल मिळवण्याची संधी होती. मात्र तेव्हाही मेग हीने आपली टांग घातली होती.
वूमन्स प्रीमिअर लीग 2023 फायनलच्या निमित्ताने हरमन आणि मेग पुन्हा एकदा आमनेसामने आले आहेत. वूमन्स प्रीमिअर लीग फायनलमध्ये मुंबई इंडियन्स विरुद्ध दिल्ली कॅपिट्ल्स यांच्यात हा महामुकाबला होणार आहे. मेग ही दिल्लीचं नेतृत्व करतेय. तर हरमनप्रीत मुंबईची कॅप्टन्सी करतेय. त्यामुळे पलटणने विजयासह शेवट गोड करावा, अशी अपेक्षा क्रिकेट चाहत्यांची आहे.
या वूमन्स प्रीमिअर लीग स्पर्धेतील मुंबई आणि दिल्लीचा फायनलपर्यंतचा प्रवास हा जवळपास सारखाच आहे. उभयसंघांनी आतापर्यंत एकूण साखळी फेरीतील 8 पैकी 6 सामन्यात विजय मिळवला . मात्र उभयसंघात नेट रनरेटचा फरक होता. त्यामुळे आता या अंतिम सामन्यात हरमनप्रीत विरुद्ध मेग यांच्यात कोण बाजी मारणार, याकडे क्रिकेट चाहत्यांचं लक्ष असणार आहे.