Suraj Chavan : बिग बॉसबद्दल त्या वक्तव्याने सुरज चव्हाण ट्रोल, नेटीजन्सनी झापलं
बिग बॉस मराठी 5 चा विजेता सुरज चव्हाणने अलीकडे एका मुलाखतीत बिग बॉस मराठीबद्दल मोठं वक्तव्य केले. तो म्हणाला की तो सध्याचे सीझन बघत नाही . त्याला प्रचंड ट्रोलिंगचा सामना करावा लागला आहे. ज्या शोमुळे त्याला प्रसिद्धी मिळाली, त्याच शोबद्दल असे बोलल्याने अनेकांच्या भुवया उंचावल्या आहेत.
बिग बॉस मराठी सीझन 5 चा विजेता असलेला सुरज चव्हाण हा सोशल मीडियावर प्रचंड सक्रीय असतो. त्याच्या प्रत्येक व्हिडिओला हजारो-लाखो व्ह्यूज मिळतात. सुरज हा सतत कोणत्या ना कोणत्या कारणामुळे चर्चेतही असतो.नुकत्याच दिलेल्या एका मुलाखतीत तो बिग बॉसच्या सध्या सुरु असलेल्या पर्वाविषयी बोलला. मात्र यावेळी त्याने जे वक्तव्य केलं त्यामुळे अनेकांचा भुवया उंचावल्या आहेत. ( All Photos : Social Media)
बिग बॉस मराठी 5चा विजेता झाल्यानंतर सूरज चव्हाण प्रसिद्धीझोतात आला होता. त्यानंतर सूरज 'झापुक झुपूक' या सिनेमातही दिसला होता. एका पॉडकास्टमध्ये त्याला बिग बॉसबदत्दर प्रश्न विचारण्यात आला. तू बिग बॉस मराठीचा 6 वा सीझन पाहतोस का असं त्याला विचारलं. मात्र तेव्हा त्याने स्पष्टपणे नाही म्हटलं. मी आता बिग बॉस बघत नाही, असं त्याने सांगितलं.
मात्र असं करण्यामागचं कारण विचारल्यावर सूरजने सडेतोड उत्तर दिलं. या पॉडकास्टमध्ये तो बिग बॉसबद्दल बरंच काही बोलला.
बिग बॉसने आम्हाला वडिलांसारखा आधार दिला. बिग बॉसला आम्ही देव मानतो, तुम्ही नीट त्या देवाला इज्जत द्या, त्याचा आदर करा. पण लोक त्याला इज्जतच देत नाही" असं सूरजने सांगितलं.
"बिग बॉसला राग येतो ना , बिग बॉस लय बेकार, बोलायला लागला की तो ऐकत नाही. तुम्ही नीट वागलात तर काय, गेम न तोडता, रूल न मोडता खेळा. मग त्यात मजा करता येईल ती करा ना " असंही सूरिज म्हणाला.
मात्र ज्या बिग बॉसमुळे एवढं मोठं नाव मिळालं त्याबद्दल सुरजने दिलेली ही प्रतिक्रिया, त्याची ही कमेंट अनेकांना आवडली नाहीये. लोकांनी त्याला ट्रोल केलंय. ज्यामुळे तुला ट्रॉफी मिळाली., नवा घराघरांत पोहोचलं, त्या बिग बॉसबद्दल तू असं बोलतोय, असं म्हणत लोकांनीच सुरजला सुनावलं आहे.
