Tata Share: बाजाराला घसरणीचे डोहाळे; पण टाटांच्या शेअरमध्ये तुफान, एकाच दिवसात 13 टक्क्यांनी सुसाट
Share Market: Tata Investment Corporation च्या शेअरने घसरत्या बाजारातही कमाल दाखवली. त्यामुळे गुंतवणूकदारांचे लक्ष या शेअरकडे वेधले आहे. एकाच दिवसात हा शेअर 13 टक्क्यांनी वधारला आहे. काय आहे अपडेट?
टाटा इन्व्हेस्टमेंट कॉर्पोरेशन कंपनीचा शेअर आज बाजारात 13 टक्क्यांनी वधारला. एक दिवसाचा हा उच्चांक आहे. हा शेअर 727.40 रुपयांवर पोहचला आहे. गुरूवारी बाजारात एक वृत्त दाखल होताच शेअरमध्ये उसळी आली. त्या एका वृत्ताने या शेअरने मोठी घोडदौड केली.
टाटा सन्स ही कंपनी लवकरच सभासदांची एक खास बैठक बोलवणार आहे. N. Chandrasekaran यांना कार्यकारी संचालक म्हणून पुन्हा नेमण्यावर शिक्कामोर्तब झाल्याचा दावा करण्यात येत आहे. ते तिसऱ्यांदा या पदावर येतील. त्यांचा सध्याचा कालावधी लवकरच संपणार आहे.
एन. चंद्रशेखरन यांच्या पुन्हा नियुक्तीच्या वृत्ताने बाजारात गुंतवणूकार खुश झाले. हा शेअर एक दिवसीय उच्चांकावर 13 टक्क्यांनी वधारला. हा शेअर 727.40 रुपयांवर पोहचला आहे. त्यामुळे येत्या काळात गुंतवणूकदार आणि ट्रेडर्सचे या शेअरवर लक्ष असेल असे दिसते.
तर डिसेंबर 2025 च्या तिमाही निकालाने गुंतवणूकदारांना आनंदाचे भरते आले आहे. कंपनीचा एकूण नफा 284.45 टक्क्यांनी वाढला आहे. वार्षिक आधारावर कंपनीचा नफा 19.61 कोटींहून थेट 75.39 कोटींवर पोहचला आहे. महसूलातही मोठी वाढ झाली आहे. महसूल 1,461 टक्क्यांहून 57.92 कोटींवर पोहचला आहे.
तर आता गुंतवणूकदारांचे Tata Capital IPO कडे लक्ष आहे. अजून याविषयीची अधिकृत कोणतीही माहिती समोर आली नाही. पण गुंतवणूकदारांमध्ये या आयपीओची मोठी चर्चा सुरू आहे. त्यादृष्टीने नवीन अपडेटसाठी गुंतवणूकदार आतूर आहेत.
डिस्क्लेमर : टीव्ही 9 मराठी कुठल्याही स्टॉक, म्युच्युअल फंड, आयपीओमध्ये गुंतवणूक करण्याचा सल्ला देत नाही. येथे केवळ त्याची माहिती देण्यात आली आहे. गुंतवणुकीपूर्वी तज्ज्ञाचा, आर्थिक सल्लागाराचा सल्ला आवश्य घ्या.
