बॉबी देओलपेक्षाही श्रीमंत आहे हा मराठमोळा अभिनेता, एका एपिसोडसाठी घेतो लाखोंचं मानधन; संपत्ती ऐकून व्हाल थक्क!
या मराठमोळ्या अभिनेत्याकडे बॉलिवूड अभिनेता बॉबी देओलपेक्षाही अधिक संपत्ती आहे. या अभिनेत्याने छत्रपती शिवाजी महाराजांची भूमिका साकारून प्रेक्षकांची मनं जिंकली आहेत.
मराठी मनोरंजनसृष्टीपासून हिंदी चित्रपट आणि छोट्या पडद्यापर्यंत आपल्या अभिनयाची वेगळी छाप पाडणारा अभिनेता म्हणजे शरद केळकर. दमदार अभिनयासोबतच भारदस्त आवाजामुळे शरदने प्रेक्षकांच्या मनात खास स्थान निर्माण केलं आहे.
मिळालेल्या माहितीनुसार शरद केळकरची एकूण संपत्ती 75 ते 80 कोटी रुपयांच्या आसपास आहे. ही रक्कम अभिनेता बॉबी देओलच्या 70 कोटी रुपयांच्या संपत्तीपेक्षा अधिक असल्याचा दावा करण्यात आला आहे.
आज शरद केळकर यशस्वी अभिनेता म्हणून ओळखला जात असला तरी त्याचा प्रवास अजिबात सोपा नव्हता. अभिनय क्षेत्रात स्थिरावण्यापूर्वी त्याने मोठा संघर्ष केला. एका काळात त्याच्या बँक खात्यात पैसे नव्हते, शिवाय त्याच्यावर कर्जही होतं. मात्र, सातत्याने काम करत त्याने स्वतःची वेगळी ओळख निर्माण केली आणि आज तो कोट्यवधींच्या संपत्तीचा मालक आहे.
शरद केळकरने अनेक वर्षांनंतर छोट्या पडद्यावर पुनरागमन केलं आहे. सध्या तो ‘तुम से तुम तक’ या हिंदी मालिकेत प्रमुख भूमिकेत दिसत आहे. या मालिकेच्या प्रत्येक एपिसोडसाठी तो तब्बल 3.5 लाख रुपये मानधन घेत असल्याची माहिती समोर आली आहे. त्यामुळे टीव्हीवरील सर्वाधिक मानधन घेणाऱ्या कलाकारांमध्ये त्याची गणना होत असल्याचं म्हटलं जातं.
शरद केळकरची कारकीर्द केवळ अभिनयापुरती मर्यादित राहिलेली नाही. त्याचा दमदार आणि भारदस्त आवाज ही त्याची खास ओळख आहे. ‘बाहुबली’च्या हिंदी डबिंगमध्ये प्रभासच्या व्यक्तिरेखेला शरदने आवाज दिला होता. या कामामुळे त्याचा आवाज घराघरात पोहोचला आणि त्याला देशभरातून मोठी लोकप्रियता मिळाली.
2001 मध्ये टीव्हीवरील कारकिर्दीला सुरुवात केल्यानंतर शरदने CID, सिंदूर तेरे नाम का, नच बलिए 2, साथ फेरे यांसारख्या मालिकांमध्ये काम केलं. त्यानंतर राम-लीला, भूमी, हाऊसफुल 4, तान्हाजी, भेडिया, चोर निकलकर भागा, स्काय फोर्स यांसारख्या चित्रपटांमध्येही तो झळकला.
