टॉयलेटमध्ये 5 मिनिटं फोनचा वापर म्हणजे या खतरनाक आजाराला निमंत्रण; 46 टक्के वाढतो धोका
Mobile Phone Uses in Toilet Risks : डिजिटल युगात अनेकांना फोनचा मोह सुटत नाही. ते टॉयलेटमध्ये सुद्धा फोन घेऊन जातात. पण 5 मिनिटं जरी तुम्ही टॉयलेटमध्ये फोन वापरत असाल तर मग या आजाराचा धोका सर्वाधिक वाढतो.
हे डिजिटल युग आहे. आता स्मार्टफोनचा वापर हा केवळ एकमेकांशी संपर्क साधन्यापुरता उरला नाही. आता हातात मनोरंजन आले आहे. जगाशी जोडण्यासाठी सोशल मीडिया प्लॅटफॉर्मचा मारा आहे. तुमचा मोबाईल हेच जग झाले आहे.
काही वर्षांपासून टॉयलेटमध्ये सुद्धा फोनचा वापर तेजीने वाढला आहे. परदेशातील हा ट्रेंड देशातही आला आहे. पण टॉयलेटमध्ये फोनचा वापर करणे अत्यंत घातक आहे. त्याचा आरोग्यावर मोठा दुष्परिणाम होतो.
टॉयलेट ही दुषित जागा आहे. या ठिकाणी किटाणू आणि संसर्गाचा धोका वाढतो. तरीही लोक टॉयलेटमध्ये फोन घेऊन जातात आणि तासन तास त्याचा वापर करतात. पण यामुळे एक आजारपण जडते.
अनेक संशोधनातून हे समोर आले आहे की, टॉयलेटमध्ये फोनचा वापर केल्याने मुळव्याध, भंगदर सारखे गंभीर आजार होतात. हा आजार बळवण्याचा धोका 46 पट्टीने वाढतो. 5-10 मिनिटांचा वापर सुद्धा धोकादायक ठरु शकतो.
लोक स्मार्टफोनमध्ये गुंगून जातात. ते अर्धा अर्धा तास टॉयलेटमध्ये घालवतात. त्यामुळ गुदद्वारावर दबाव वाढतो. रक्त वाहिन्यांवर सूज येते. त्यातून मुळव्याधचा धोका वाढतो.
दीर्घकाळ टॉयलेटच्या सीटवर बसल्याने नसांवर अतिरिक्त दबाव पडतो. मोबाईल नेल्याने वेळेचे भान राहत नाही आणि मुळव्याध होण्याचा धोका 46 टक्क्यांनी वाढतो.
