पर्यटनात किंग असलेला हा देश काळी मिरीच्या उत्पन्नात सर्वात पुढे, भारताचा कितवा नंबर ?
Black Pepper Largest Producer: काळी मिरीला मसाल्यांचा राजा म्हटले जाते. तिखट चव आणि सुंगधाने जगभरातील स्वयंपाक घरात काळी मिरीला मोठा मानाचे स्थान आहे. या काळी मिरीचा वापर केवळ स्वयंपाकात नाही तर फूड प्रोसेसिंग आणि पारंपारिक उपचारातही केला जातो. अनेक देशात काळी मिरीचे उत्पादन घेतले जाते. मात्र, एक देश असाही आहे जो मसाल्याच्या बादशहाचा गड आहे. कोणता हा देश वाचूयात....
काळी मिरीला हिंदी भाषिक काळी मिरची म्हणतात. मिरची नसेल तर काळी मिरी जेवणात त्या ऐवजी वापरतात. आपल्या भारतातही काळी मिरीचे मोठे उत्पन्न होते. भारतात पुरातन काळापासून युरोपात काळी मिरीचा व्यापार केला जात आहे.
भारतात काळी मिरीचा दर एक हजार रुपये प्रति किलो आहे. काळी मिरीचे उत्पन्न तेथे जास्त होते जेथे उष्ण तापमानासोबत नियमित पाऊसही पडत असतो. महाग किंमतीमुळे काळी मिरीची नेहमीच चर्चा असते.
व्हिएतनामला काळी मिरीचा गड म्हटले जाते. हा देश जगात सर्वाधिक काळी मिरीचा पुरवठादार म्हणून ओळखला जातो. अनुकूल हवामान, सुपिक माती आणि आधुनिक कृषी तंत्रज्ञानामुळे व्हिएतनाम काळी मिरीच्या उत्पादनात पहिल्या क्रमांकावर पोहचला आहे. व्हिएतनाम अमेरिका, युरोपासह आशियाई देशांना काळी मिरी विकतो.
काळी मिरीचे उत्पादन अन्य देश देखील घेतात. त्यात व्हिएतनाम नंतर ब्राझीलचा क्रमांक लागतो. ब्राझील नंतर तिसऱ्या क्रमांकावर इंडोनेशियाचा नंबर लागतो. येथील तापमान काळी मिरीला पोषक आहे. त्यानंतर चौथ्या क्रमांकावर भारताचा नंबर लागतो.
भारतानंतर पाचव्या क्रमांकावर चीनचा नंबर लागतो. चीनमध्येही काळी मिरीची शेती मोठ्या प्रमाणावर होत असते. तेथील अर्थव्यवस्थेला काळी मिरीमुळे फायदा होतो.
व्हिएतनाम दरवर्षी 270,000 मेट्रिक टन काळी मिरीचे उत्पादन घेतो. या देशाने काळी मिरीसाठी मॉडर्न तंत्रज्ञानाचा वापर करतो. त्यामुळे उत्पादन अनेक पटीने वाढले आहे.मोठ्या प्रमाणावर लागवड आणि हार्वेस्टिंगच्या पद्धतीने व्हिएतनाम याच्या शेतीत नंबर वन झाले आहे.
भारतात पुरातन काळापासून युरोप आणि मध्य पूर्वेत काळी मिरी निर्यात करत आला आहे. व्यापारी भारतीय बंदरात काळी मिरी खरेदी करण्यासाठी मोठा दूरचा प्रवास करुन यायचे. त्यामुळे काळी मिरी व्यापारात सर्वात मुल्यवान मसाल्यापैकी एक आहे.
काळी मिरीचा वापर सूप, करी आणि सॉसमध्ये मसाल्याच्या रुपात केला जातो. शाकाहारी आणि मांसाहारी दोन्ही प्रकारच्या अन्नपदार्थांचा स्वाद काळी मिरी वाढवते. जेवणाशिवाय पचना संबंधित पारंपारिक औषधात काळी मिरी वापरली जाते. हिच्या खास वैशिष्ट्यांमुळे काळी मिरीला जगभरात मागणी आहे.
