पूजेनंतर शिल्लक राहिलेल्या साहित्याचं काय करावं, ज्योतिषशास्त्र काय सांगतं? घ्या जाणून
पूजेनंतर शिल्लक राहिलेल्या साहित्यांनाही विशेष महत्त्व आहे कारण त्यामध्ये देवतांची ऊर्जा आणि आशीर्वाद असतात. असं मानलं जातं की जर आपण त्याचा योग्य वापर केला नाही तर त्याचा आपल्या जीवनावरही नकारात्मक परिणाम होऊ शकतात. म्हणून, पूजा झाल्यानंतर शिल्लक राहिलेल्या साहित्याचा योग्य वापर करणं आणि साहित्य कचऱ्यात टाकणं टाळणं महत्वाचं आहे.
प्रत्येक सुखी विवाहित महिलेसाठी सिंदूर हे एक महत्त्वाचं आणि पवित्र प्रतीक मानलं जातं. जेव्हा तुम्ही पूजेमध्ये सिंदूर वापरता किंवा देवाला अर्पण करता तेव्हा ते अधिक पवित्र आणि शुभ मानलं जातं.
पूजेनंतर जर सिंदूर किंवा कंकू शिल्लक राहिला तर तो पुन्हा पूजेसाठी वापरण्यासाठी योग्य आहे. त्याशिवाय, तुम्ही तुमच्या घरात, जसं की कोणत्याही नवीन वस्तूवर, दारावर स्वस्तिक काढण्यासाठी किंवा शुभ चिन्ह म्हणून देखील हे सिंदूर आणि कंकू वापरू शकता.
जर पूजेनंतर घरात फुले उरली असतील तर ती कचऱ्यात टाकू नका, त्याऐवजी ती फुले तुमच्या बागेत किंवा कुंडीत ठेवा. काही काळानंतर, ही फुले कुंडीत खतामध्ये बदलतील, जी झाडांसाठी फायदेशीर आहे. म्हणून, तुम्ही फुलांचा योग्य वापर केला पाहिजे.
याशिवाय, जर पूजेनंतर तांदूळ, गहू किंवा इतर धान्य शिल्लक राहिले तर तुम्ही ते तुमच्या बागेत लावू शकता किंवा पक्ष्यांना खायला घालू शकता.
जेव्हा धार्मिक विधींमध्ये पाणी वापरले जाते तेव्हा बरेच पाणी शिल्लक राहते. जेव्हा असे होते, तेव्हा पूजा पूर्ण झाल्यानंतर, घराच्या प्रत्येक कोपऱ्यात आणि त्यातील सदस्यांवर ते पाणी शिंपडणं योग्य आहे. मग तुम्ही उरलेलं पाणी तुमच्या बागेत किंवा तलावात ओतू शकता.
(टीप: TV9 कोणत्याही प्रकारे अंधश्रद्धेला प्रोत्साहन देत नाही. हा लेख केवळ धार्मिक श्रद्धा आणि रीतिरिवाजांवर आधारित आहे.)
