तुमच्या बेंबीच्या आकारावरुन ओळखा स्वभाव? खोल बेंबी असलेले लोक…
ज्योतिषशास्त्रानुसार, नाभीचा आकार आपल्या स्वभावाविषयी अनेक गोष्टी सांगतो. तुमच्या नाभीचा आकार आणि तुमचा स्वभाव यांच्यातील संबंध जाणून घ्या.
ज्योतिषशास्त्रानुसार मानवी शरीरातील अनेक अवयवांवरून भविष्याचा वेध घेता येतो. हातावरील रेषा, कपाळावरील खुणा हे पाहून तुम्हाला तुमच्या आयुष्याचे अंदाज बांधता येतात.
पण तुम्हाला माहितीये का तुमच्या बेंबीचा आकारावरुन तुम्हाला तुमच्या स्वभावाविषयी आणि आयुष्याविषयी अनेक गुपित समजतात.
जन्मावेळी बाळाच्या जन्मानंतर नाळ कापली जाते. ती नाळ कापल्यानंतर एक विशिष्ट खूण निर्माण होते त्याला बेंबी किंवा नाभी असे म्हणतात.
ज्यांची बेंबी गोल असते, ते लोक सहसा संतुलित आणि शांत स्वभावाचे असतात. ते भावनिक आणि सहानुभूतीशील असतात.
गोल बेंबी असलेली लोक नातेसंबंधांना खूप महत्त्व देतात. हे लोक आयुष्यात सुरक्षितता पसंत करतात.
लांब आणि अरुंद बेंबी असे लोक महत्वाकांक्षी आणि ध्येयवेडे असतात. ते अत्यंत मेहनती असतात.
अरुंद बेंबी असलेले लोक आयुष्यात उच्च स्थान प्राप्त करतात. तसेच सतत काहीतरी नवीन करण्याचा त्यांचा प्रयत्न असतो.
खोल बेंबी असलेले लोक अत्यंत भावनिक आणि संवेदनशील असतात. ते इतरांच्या भावना चांगल्या प्रकारे समजून घेतात.
खोल बेंबी असलेले लोक नातेसंबंधांना खूप महत्त्व देतात. अशाप्रकारचे लोक आपल्या कुटुंबासाठी ते खूप काही करण्याची तयारी ठेवतात.
ज्या लोकांची बेंबी बाहेर आलेली असते, ते खूप आत्मविश्वासी आणि निर्भयी असतात. अशा व्यक्तींमध्ये इतरांचे नेतृत्व करण्याची क्षमता असते. ते आयुष्यात खूप यशस्वी होतात.
तसेच बेंबी बाहेर असलेले लोक उच्च पदावर पोहोचतात. हे लोक सहसा श्रीमंत असल्याचेही मानले जाते.
ज्यांची बेंबी सपाट असते, ते लोक अतिशय व्यावहारिक आणि जमिनीवर पाय ठेवून चालणारे असतात. त्यांना आयुष्यात स्थिरता हवी असते. ते कुटुंब आणि मित्रांना खूप महत्त्व देतात.
