महाराष्ट्राची मुलगी, विषाची पर्वा न करता जीव धोक्यात घालून 3000 सापांचे प्राण वाचवणारी अभिनेत्री
चित्रपट सृष्टीतील कलाकार हे व्यावसायिक अभिनेते किंवा अभिनेत्री आहेत. पण अशा काही गोष्टी आहेत, ज्यातून ते नाव कमावतायत. यात एक नाव आहे साहिबा. स्नेक रेस्क्यूर म्हणूनही तिची ओळख आहे.
21 वर्षाच्या साहिबाचं नाव त्या लोकांमध्ये घेतलं जातं. जे स्वत:चा जीव धोक्यात घालून प्राण्यांना वाचवतात. ती पेशाने अभिनेत्री आहे. पण तिला सर्प मित्र म्हणूनही ओळखतात. तिने अनेक सापांची सुटका केली आहे.
साहिबाने आतापर्यंत 3000 पेक्षा जास्त सापांची सुटका केली आहे. ती नागपूरची राहणारी आहे. दोन-तीन वर्षांपूर्वी अभिनय क्षेत्रात काम करण्यासाठी ती मुंबईत आली. तिने बालाजी ALTT साठी काम केलय. टी-सीरीज अल्बमच्या काही गाण्यातही ती दिसली आहे.
साहिबा अभिनय क्षेत्रात मोठ्या प्रमाणात सक्रीय आहे. पण स्नेस रेस्क्यूर म्हणून सुद्धा तिची ओळख आहे. आपल्या भावांकडून तिला प्राणी मित्र बनण्याची प्रेरणा मिळाली. ती 17 वर्षांची असताना तिच्या गावात लोक सापाला दिसताच क्षणी मारायचे.
एकदा तिच्या भावाने सापाला मारुन गाडीला बांधलं. सगळ्या गावात तो ती गाडी फिरवत होता. हे पाहून साहिबाला खूप वाईट वाटलं. त्याचवेळी यापुढे सापांना वाचवायचं हे तिने ठरवलं.
साहिबा म्हणते अनेक साप माणसाच्या भितीनेच मरतात. अनेकदा मी घटनास्थळी पोहोचण्याआधीच सापांना मारलं जायचं. तिने आपल्या डोळ्यांनी 50 पेक्षा जास्त सापांना मरताना पाहिलं आहे.
