रेल्वेचे डबे वेगवेगळ्या रंगाचे का असतात? कारण वाचून तुम्ही चकितच व्हाल!
रेल्वेच्या डब्यांना वेगवेगळे रंग दिलेले असतात. काही डबे हे पिवळ्या तर काही डबे हे लाल रंगाचे असतात. त्यामुळेच रेल्वेला लावलेल्या डब्यांना वेगवेगळा रंग का असतो, हे जाणून घेऊ या...
तुम्ही रेल्वेतून कधी प्रवास केला असेल तर तुम्हाला प्रत्येक ट्रेनचा वेगवेगळा रंग दिसून आला असेल. काही रेल्वे या निळ्या रंगाच्या असतात तर काही रेल्वे हिरव्या, पिवळ्या रंगाच्या असतात. सध्या वंदे भारत यासारखी ट्रेन तर केशरी रंगाची असल्याचे पाहायला मिळते.
परंतु देशभरातील रेल्वेचा रंग वेगवेगळा का असतो? याबाबत तुम्हाला माहिती आहे का? विशेष म्हणजे रेल्वेसोबतच वेगवेगळ्या रंगाचे डबेदेखील असतात. त्यामुळेच रेल्वेमध्ये वेगवेगळ्या रंगाचे डबे का असतात, हे जाणून घेऊ या.
रेल्वेच्या डब्याला दिलेल्या रंगाच्या माध्यमातून प्रवाशांना तसेच रेल्वे प्रशासनाला काही संकेत मिळतात. बहुसंख्य रेल्वे डब्यांना निळा रंग असतो. डब्याला निळा रंग असेल तर तो डबा स्लीपर कोच किंवा जनरल कोच आहे, अशी माहिती त्यातून मिळते.
निळा डबा हा शक्यतो नॉन एसी असतो. तो सामान्य प्रवाशांसाठी असतो. काही रेल्वेच्या डब्यांना हिरवा रंगदेखील असतो. हिरवा रंग हा गरीब रथ ट्रेनला दिलेला असतो. याचाच अर्थ ज्या डब्याला हिरवा रंग असतो, त्यातून कमी खर्चात आणि किफायतशीर प्रवास करता येतो, असे सांगितलेले असते. आरामदायी खुर्ची, इतर सुविधा तसेच प्रिमियम सेवा याचा संकेत हिरव्या रंगाच्या डब्यातून मिळतो.
काही रेल्वेचे डबे हे पिवळ्या रंगाचे असतात. यातून रेल्वेच्या डब्यांना पिवळी पट्टी असते. असा डबा हा पार्सल डबा किंवा तांत्रिक काम करण्यासाठी राखीव ठेवलेला डबा असतो. आता नव्या रेल्वेमध्ये करडा किंवा केशरी रंगाचाही वापर केला जातोय. हा रंग आधुनिक तंत्रज्ञान, वेग याचे प्रतिक मानला जातो.
