ठंडा-ठंडा, कूल-कूल; उन्हाळ्यात शरीर थंड ठेवण्यासाठी खाऊन पहा ‘हे’ पदार्थ
Foods To Keep Body Cool : उन्हाळ्यात शरीर थंड ठेवण्यासाठी काही पदार्थांचे सेवन फायदेशीर ठरू शकते.
उन्हाळा चांगलाच सुरू झाला असून आता कडक उन्हामुळे तलखी वाढली आहे. अशा परिस्थितीत शरीराला त्रास होऊ नये व आजारी पडू नये यासाठी शरीर थंड ठेवणे महत्वाचे ठरते. त्यासाठी रोजच्या आहारात काही पदार्थांचे सेवन करून शरीराला थंडावा मिळू शकतो. ते पदार्थ कोणते ते जाणून घेऊया.
कलिंगड हे सर्वांच्याच आवडीचे असते. त्यात भरपूर पाणी असते. यामुळे शरीराला दीर्घकाळ हायड्रेट ठेवण्यासोबतच शरीराला थंडावाही राहतो. कलिंगडामध्ये असलेले लाइकोपीन त्वचेचे सूर्यप्रकाशापासून संरक्षण करते. हे खाल्ल्यानंतर लवकर भूकही लागत नाही.
काकडी शरीरासाठी खूप फायदेशीर आहे. यामध्ये फायबर, पोटॅशियम, कॅल्शियम आणि व्हिटॅमिन ए मुबलक प्रमाणात असते. हे खाल्ल्याने शरीर हायड्रेट राहते आणि शरीरात पाण्याची कमतरता भासत नाही. काकडी खाल्ल्याने शरीर थंड राहते आणि हिवाळ्यात उष्माघातापासूनही बचाव होतो.
पिकलेला फणस शरीरासाठी खूप फायदेशीर असतो. तो खाल्ल्याने शरीरातील अनेक आजार सहज दूर होतात. कूलिंग इफेक्टमुळे ते शरीराला थंड ठेवण्यास मदत करते. पिकलेल्या फणसात व्हिटॅमिन सी आढळते, ज्यामुळे शरीराची प्रतिकारशक्तीही मजबूत होते.
उन्हाळ्यात सत्तूचे पेय प्यायल्याने शरीराच्या अनेक समस्या सहज दूर होतात. हे पेय चविष्ट तर असतेच पण त्यासोबतच शरीराला थंड ठेवण्यासही मदत करते. सत्तू पेय हे गोड किंवा चटपटीत बनवून उन्हाळ्यात सहज पिता येते. हे प्यायल्याने पचनक्रियाही मजबूत राहते.
दही शरीरासाठी खूप फायदेशीर आहे. यामध्ये कॅल्शियम, प्रोटीन, फायबर आणि व्हिटॅमिन बी12 मुबलक प्रमाणात आढळतात. उन्हाळ्यात शरीर थंड ठेवण्यासाठी दह्याचे सेवन केले जाऊ शकते. याच्या सेवनाने उष्माघातापासूनही बचाव होतो आणि शरीरही हायड्रेटेडही राहते.