“नव्या संसदेच्या उद्घाटनाला संजय राऊतांना तिथं जायचा अधिकार मुळीच नाही”

अहमदनगर : नव्या संसदेचं उद्घाटनावरून सध्या आरोप प्रत्यारोप केले जात आहेत. विरोधकांनी आक्रमक भूमिका घेतली आहे. त्यावर भाजप खासदार सुजय विखे यांनी प्रतिक्रिया दिली आहे. विरोधकांवर टीका करताना शिवसेना ठाकरे गटाचे नेते, खासदार संजय राऊत यांच्यावरही सुजय विखे यांनी निशाणा साधला आहे.

संसद भवनाच्या उद्घाटनावरून खासदार सुजय विखेंचा संजय राऊत यांना टोला लगावला आहे. संसदेच्या उद्घाटन कार्यक्रमाला कुणी जावो न जावो, पण संजय राऊतांना तिथं जायचा अधिकार मुळीच नाही, असं ते म्हणाले आहेत.

ज्या लोकांच्या मतावर संजय राऊत खासदार झाले ते त्यांना सोडून गेले. त्यामुळे संजय राऊत यांनी खासदारकीचा राजीनामा दिला पाहिजे. शिवसेनेचे आमदार-खासदार झाले त्यांना गेल्या एक वर्षापासून शिव्या देत आहे. त्यामुळे त्यांनी संसदेच्या उद्घाटनाला जाऊ नये, असं विखे पाटील म्हणाले आहेत.

कुकडीच्या पाण्यावरून खासदार सुजय विखे आक्रमक झाल्याचं पाहायला मिळालं. राष्ट्रवादीच्या नेत्यांवर त्यांनी निशाणा साधला आहे. कुकडीच्या पाण्यावरून पुणे आणि नगर जिल्हा वाद पेटण्याची चिन्हे आहेत. मी मागच्या एक वर्षापासून म्हणतोय राष्ट्रवादीच्या पुणे जिल्ह्याच्या नेत्यांच्या विरोधात लढा उभा करायचा आहे. तेव्हा कुणीच आलं नाही. जे नगरचे राष्ट्रवादीचे लोक या विरोधात आंदोलन करतायेत. त्यांनी राजीनामा दिला पाहिजे. हे पाणी कोणत्या पक्षाच्या लोकांनी अडवलं. त्या पक्षाचे नगर जिल्ह्याचे लोक गप्प बसणार का?, असा सवाल त्यांनी उपस्थित केला आहे.

दोन हजाराची नोट बँकेत जमा करण्याचे आदेश रिजर्व्ह बँकेने दिले आहेत. यावरून विरोधक आक्रमक झाले आहेत. विरोधकांकडून सरकारवर टीका केली आहे. नोटबंदीवरून सुजय विखे यांनी विरोधकांना टोला लगावला आहे. फक्त आरोप प्रत्यारोप यामध्ये केले जात आहेत. सर्वसामान्यांना कोणतीही झळ नाही. तर येणाऱ्या निवडणुकीत ज्यांनी सासूने ठेवले होते. त्यांना त्याची झळ बसणार आहे. अतिरेकी कारवाई रोखण्यासाठी नोटबंदीचा फायदा होईल, असं ते म्हणालेत.