अभिमन्यू पवारांना विरोध, संभाजी निलंगेकरांसह शेकडो कार्यकर्ते रस्त्यावर

अरविंद निलंगेकर, शिवसेनेचे माजी आमदार दिनकर माने यांनी नाराज कार्यकर्त्यांची बैठक घेऊन अभिमन्यू पवारांना (Latur Sambhaji Nilangekar Abhimanyu Pawar) विरोध केला. विशेष म्हणजे पालकमंत्री संभाजी पाटील निलंगेकर हे स्वतः या नाराज कार्यकर्त्यांमध्ये बसलेले पाहायला मिळाले.

Sambhaji Nilangekar Abhimanyu Pawar, अभिमन्यू पवारांना विरोध, संभाजी निलंगेकरांसह शेकडो कार्यकर्ते रस्त्यावर

लातूर : मुख्यमंत्री देवेंद्र फडणवीस यांचे स्वीय सहाय्यक अभिमन्यू पवार (Sambhaji Nilangekar Abhimanyu Pawar) यांना औसा येथून उमेदवारी दिल्याने भाजपाचा एक गट रस्त्यावर उतरला आहे. इच्छुक उमेदवार किरण उटगे, बजरंग जाधव, अरविंद निलंगेकर, शिवसेनेचे माजी आमदार दिनकर माने यांनी नाराज कार्यकर्त्यांची बैठक घेऊन अभिमन्यू पवारांना (Sambhaji Nilangekar Abhimanyu Pawar) विरोध केला. विशेष म्हणजे पालकमंत्री संभाजी पाटील निलंगेकर हे स्वतः या नाराज कार्यकर्त्यांमध्ये बसलेले पाहायला मिळाले.

लातूर जिल्ह्यात भाजपात दोन गट असल्याचं पुन्हा एकदा स्पष्ट झालंय. या संतप्त कार्यकर्त्यांची समजूत भाजपा कशी काढणार हे महत्त्वाचं ठरणार आहे. विशेष म्हणजे पालकमंत्री संभाजी पाटील निलंगेकर यांनी आपला निलंगा मतदारसंघ तर शाबूत ठेवलाच आहे, मात्र त्यांनी औसा इथे जास्त लक्ष घातलं आहे. त्यांचे बंधू अरविंद निलंगेकर यांना औसा येथून उमेदवारी मागण्यात आली होती.

गेल्या काही वर्षांपासून अभिमन्यू पवार हे औसामध्ये विकासकामं करत होते. त्यांनी आपला संपर्क देखील वाढवला होता. त्यानंतर आता उमेदवार म्हणून अभिमन्यू पवार औसाच्या जनतेला सामोरे जाणार आहेत. या काळात त्यांनी मतदारसंघातील जनतेमध्ये जाण्यासाठी मंत्रालयातून मोठ्या प्रमाणात निधी आणला आणि जनतेची कामं केली.

औसा – काँग्रेसचा बालेकिल्ला

औसामध्ये बसवराज पाटील मुरूमकर हे काँग्रेसचे उमेदवार आहेत. 2014 च्या विधानसभा निवडणुकीत काँग्रेसच्या बसवराज पाटील यांना 64237 मतं मिळाली. तर, शिवसेनेच्या दिनकर माने यांना 55,379 मतं मिळाली. पण, मोदी लाट असताना आणि स्बळावर लढत भाजपला तिसऱ्या क्रमांकावर समाधान मानावं लागलं.

2014 मध्ये भाजप उमेदवार पाशा पटेल यांना 37,414 मतं मिळाली. म्हणजेच काँग्रेस आणि भाजपमध्ये जवळपास 30 हजार मतांचा फरक दिसून येतो. पण, यंदा युती असल्याने भाजपला विजय मिळणार की काँग्रेस विजयी घोडदौड कायम राखणार याकडे सर्वांचं लक्ष आहे.

2009 आणि 2004 मध्ये शिवसेनेचे दिनकर माने या ठिकाणावरून विजयी झाले. पण, 2009 आणि 2014 मध्ये त्यांना पराभवाचा सामना करावा लागला. औसामध्ये 2014 च्या आकडेवारीनुसार एकूण मतदार हे 2,58,311 आहेत. यामध्ये पुरूष मतदारांची संख्या ही 1,38,497 आणि महिला मतदारांची संख्या 1,19,814 आहे. आपण मागील सहा वर्षात केलेल्या विकासकामांच्या जोरावर निवडून येऊ, असा विश्वास अभिमन्यू पवार यांनी व्यक्त केलाय.

कमेंट करा

कमेंट करा

Your email address will not be published. Required fields are marked *