CJP Protest : शबाना आझमींचा कॉकरोच जनता पार्टीच्या आंदोलनाला पाठिंबा, थेट पंतप्रधानांना…
बॉलिवूड अभिनेत्री शबाना आझमी यांनी कॉकरोच जनता पार्टीच्या आंदोलनाला पाठिंबा दिला आहे. त्यांनी पंतप्रधान नरेंद्र मोदी यांनी थेट पत्र लिहिले. पण या पत्राचे उत्तर न मिळाल्यामुळे त्या आंदोलनात सहभागी झाल्या.
पेपरफुटी प्रकरणावरून केंद्रीय शिक्षणमंत्री धर्मेंद्र प्रधान यांच्या राजीनाम्याच्या मागणीसाठी कॉकरोच जनता पार्टीने जंतर-मंतरवरून संसदेकडे धडक मोर्चा काढला. या आंदोलनात मोठ्या संख्येने तरुण सहभागी झाले असून विरोधी पक्षातील नेतेही उपस्थित आहेत. या आंदोलनाकडे संपूर्ण देशाचे लक्ष लागले होते. बॉलिवूडच्या दिग्गज अभिनेत्री शबाना आझमी यांनीही ‘कॉकरोच जनता पार्टी’चे (CJP) उघडपणे समर्थन केले आहे. शबाना आझमी एक दिवस जंतर-मंतर येथे उपस्थित होत्या. त्यांनी विद्यार्थ्यांच्या समर्थनार्थ आवाज उठवला.
दिल्लीतील जंतर-मंतरवर CJP चे शांततापूर्ण आंदोलन सुरू आहे. विद्यार्थ्यांना न्याय मिळवून देण्यासाठी CJP नेही उपोषण सुरू केले. या आंदोलनाला आता बॉलिवूडमधील अनेक नामवंत कलाकारांचा पाठिंबा मिळत आहे. दिग्गज अभिनेत्री शबाना आझमी यांनी जंतर-मंतर येथे उपस्थित राहून CJP चे समर्थन केले आणि देशातील युवकांच्या हक्कासाठी आवाज उठवला.
शबाना आझमी काय म्हणाल्या?
शबाना आझमी यांनी जंतर-मंतरवर ‘द रेड माइक’शी बोलताना दावा केला की, “मी प्रधानमंत्री नरेंद्र मोदी यांना पत्र लिहिले होते. काही उत्तर आले नाही, त्यामुळे मी आंदोलनात सामील झाले.” त्यांनी सांगितले की, जावेद अख्तर यांनीही पंतप्रधान नरेंद्र मोदी यांना पत्र लिहिले आहे, पण त्यांनाही अद्याप कोणतेही उत्तर मिळालेले नाही.
पुझे शबाना आझमी म्हणाल्या, “जेव्हा पाणी मर्यादा ओलांडते, तेव्हाच मी बोलते. मी प्रत्येक गोष्टीवर बोलत नाही, कारण आता मी ७५ वर्षांची झाली आहे. मी हे सर्व पाहिले आहे. मी येथे आले आहे कारण जेव्हा एखादी गोष्ट मला आतून हलवते, तेव्हाच मी बोलते.”
View this post on Instagram
शबाना-जावेद यांनी लिहिलेले पत्र
शबाना आझमी पुढे म्हणाल्या, “आम्ही पत्रात म्हटले आहे की, तुम्ही फक्त एक डायलॉग सुरू करा. आम्ही माध्यमांकडे जाणार नाही. आम्ही याला सार्वजनिक मुद्दा बनवणार नाही. आम्ही राज्यसभेचे माजी खासदार आहोत, त्यामुळे आम्ही सांगत आहोत की, त्यांचे तरी ऐका. सुरुवातीला आम्हाला सांगण्यात आले की, तुम्हाला दोन दिवसांत उत्तर मिळेल. पण दोन दिवसांत उत्तर आले नाही, तीन दिवसांत नाही, चार दिवसांतही नाही. मग पाचव्या दिवशी आम्ही इथे आलो.”
इतर कलाकारांचा पाठिंबा
शबाना आजमी यांच्याव्यतिरिक्त अभिनेत्री पूनम पांडेनेही सरकारला विद्यार्थ्यांना उत्तर देण्याची अपील केली आहे. पूनम पांडे म्हणाली की, विद्यार्थ्यांच्या या लढ्यात त्या त्यांच्यासोबत आहेत.
